Шайқурай тұқымдасы

Уикипедия — ашық энциклопедиясынан алынған мәлімет
Jump to navigation Jump to search
A.
Шайқурай тұқымдасы

Шайқурай тұқымдасы(Hyperіcaceae) — қос жарнақты өсімдіктердің бір тобы. Ағаш, бұта, шала бұта, шөптесін өсімдіктер, кейде шырмауық түрінде де өседі. Жер шарында қоңыржай, тропиктік және субтропиктік аймақтарда өсетін 8 туысы, 400-ге жуық түрі кездеседі. Қазақстанның барлық аймақтарында өсетін 1 туысы — шайқурай бар. Шайқурай тұқымдасының жапырақтары қарама-қарсы, сирек шоғырланып орналасады, жиектері біркелкі бүтін, шеттерінде жапырақ жүйкелері көрініп тұрады. Гүлдері қос жынысты, сары түсті, 4 не 5-тен тостағаншасы мен күлтесі болады. Аталығы көп, жіп тәрізді бірігіп өседі, аналығы 3 не 5 ұялы. Жемісі құрғақ қауашақ не шырынды жидек тәрізді, тұқымы эндоспермсіз (ұрықтың қоректенуіне қажетті ерекше ұлпа болмайды). Шайқурай тұқымдасына жататын өсімдіктердің көпшілігін медицинада пайдаланады, кейбір түрінен бояу алынады, араларында улы түрлері де бар.

[1]

Сілтемелер[өңдеу]

Дереккөздер[өңдеу]

  1. Қазақ Энциклопедиясы, 9 том 18 бөлім