Шалқыма Хайруллақызы Құрманалина

Шалқыма Хайруллақызы Құрманалина
Туған күні	6 қазан 1946 (1946-10-06) (77 жас)
Туған жері	Ақтөбе облысы, Мұғалжар ауданы, ҚазССР, КССР
Азаматтығы	КССР, Қазақстан
Ұлты	қазақ
Қызметі	Қоғам қайраткері, педагогика ардагері, педагогика ғылымдарының докторы, профессор
Марапаттары мен сыйлықтары	Құрмет ордені Қазақстанның еңбек сіңірген қайраткері (1998)

Шалқыма Хайруллақызы Құрманалина (6 қазан 1946 жылы Ақтөбе облысы Мұғалжар ауданында, Қазақ ССР дүниеге келген) — қазақстандық қоғам қайраткері, педагогика ардагері, педагогика ғалымдарының докторы (2002), профессор, Қазақстанның педагогика ғылымдары Академиясының академигі. Қазақстанның еңбек сіңірген қызметкері (1998).

Өмірбаяны

Шалқыма Хайруллақызы Құрманалина 6 қазан 1946 жылы Ақтөбе облысының Октябрь ауданынының (қазіргі кезде Мұғалжар ауданы) Жұрын ауылында дүниеге келген. 1970 жылы А.С. Пушкин атындағы Орал педагогикалық институтының физика математикалық факультетін физика және еңбек мұғалімі мамандығы бойынша бітіреді. 1996 жылы педагогикалық ғылымдар кандидаты ғылыми дәрежесін алады, диссертация тақырыбы: «Дидактические основы совершенствования профессиональной подготовки учителей начальных классов в условиях педколледжа».(қолжетпейтін сілтеме) 2002 жылы педагогикалық ғылымдар докторы ғылыми атағын алады, диссертация тақырыбы: «Методология и технология создания электронной методической системы в условиях информатизации образования»(қолжетпейтін сілтеме).

Еңбек қызметі

1970 және 1977 жылдары – Орал педагогикалық училищесінде оқытушы. 1978 және 1981 жылдары – мұғалімдердің біліктілігін арттыру Облыстық институтының бастауыш сыныптары жөніндегі оқу-әдістемелік кабинетінің меңгерушісі. 1981 және 1991 жылдары – Орал педагогикалық колледж оқу-өндірістік жұмыс жөніндегі директордың орынбасары. 1992 және 1994 жылдары – Орал педагогикалық колледжінің оқу жұмысы жөніндегі директордың орынбасары. 1994 жылдан бастап – Қ. Досмухамедов атындағы жоғары педагогикалық колледжінің директоры. 1999 – 2012 жылдар аралығында – Орал қалалық мәслихаттың төртінші шақырылымның депутаты. Ғылыми, әдеби еңбектер,4 монография, 26 ғылыми еңбектер, 50 жариялымдар, оқулықтар, оқу құралдары, 11 педагогикалық мамандықтар бойынша техникалық және кәсіби білім берудің Мемлекеттік жалпыға міндетті стандарттардың, білім берудің өзекті мәселелері бойынша 35 мақаланың және т.б. авторы.

Марапаттары және атақтары

• Қазақстан Республикасының Президентінің Жарлығымен «Қазақстанның еңбек сіңірген қызметкері» құрметті атағы берілді (1998)
• Құрмет орденімен марапатталды
• «Қазақстан Республикасының тәуелсіздігінің 10 жылдығына» арналған медаль (2001)
• «Қазақстан Республикасы Конституциясының 10 жылдығына» орай медаль (2005)
• «Қазақстан Республикасының 10 жылдығына» орай медаль (2006)
• «Қазақстан Республикасының тәуелсіздігінің 20 жылдығына» орай медаль (2011)
• «Нұр Отан» партиясы атынан «Белсенді қызметі үшін» медаль (2011)
• Қазақстан Республикасының Тұңғыш Президентінен алғыс хат
• «Қазақстан Республикасы білім беру ісінің үздігі» төсбелгісі (1992)
• «Қазақстан Республикасы білім беру ісінің құрметті қызметкері» төсбелгісі
• «Ыбырай Алтынсарин» төсбелгісі (2006)
• «Қазақстан Республикасы ғылымының дамуынаүлес қосқаны үшін» төсбелгі
• Қазақстанның педагогика ғылымдарының Академиясының академигі (2004)
• Ақпараттандыру Халықаралық Академиясының академигі және т.б.
• Орал қаласының құрметті азаматы (2017)