Шафиғи Мақсұт Әминұлы

Шафиғи Мақсұт Әминұлы (21.3.1934 жылы тұған, Шығыс Түркістан, Тарбағатай аймағы, Толы ауданы) - көне қолжазбалар маманы, ауыз әдебиетін жинаушы және зерттеуші.

Пекиннің халықаралық қатынастар университетін бітірген (1961). 1961 - 64 жылдары ШҰАР Орт. партия комитетінің нұсқаушысі болып қызмет атқарған. 1964 жылы Қазақстанға қоныс аударып, 1974 жылға дейін қазақ a.ш. институтында лаборан болып еңбек етеді. 1974 жылдан бастап Әдебиет және өнер институтының ғылыми қызметкері болып еңбек етеді. Шафиғи Қазақстандағы қолжазбатан ісіне көп еңбек сіңірген. Оның тікелей еңбегі нәтижесінде және көмегімен ҚР Ұлттық кітапханасы, ҚР Орталық ғылыми кітапхана қорларындағы және Әдебиет және өнер институтындағы қолжазба және мәтінтану бөліміндегі араб әрпінде жазылған көптеген көне қолжазбалар ажыратылып оқылып, қазіргі жазуға түсірілді.

"Қазақ халық әдебиеті көптомдығының ертегілер мен дастандарға және Абылай хан туралы тарихи жырларға арналған томдарын, алты кітаптан тұратын "Қазақ қолжазбаларының ғылыми сипаттамасын" құрастырушылардың бірі Қожа Ахмет Йасауидің "Диуани хикмет" кітабының қазақ тіліндегі алғашқы ғылыми аудармасын жасап, түсініктерін жазуға баспаға әзірлеуге қатысты. Қазақ ауыз әдебиет мәселелеріне арналған жүзден астам ғылыми мақалалардың авторы. Ол қазақ мектептеріне арналған алғашқы "Араб тілі" оқулығы авторларының бірі.