Шағын полигон

Шағын полигон — артиллериядан атуға үйретуге және атуды басқаруға арналған жабык жайдағы (ғимарат) немесе жергілікті жердегі имитациялық құрылым. Жабық жайдағы шағын полигон қаңқадан, жергілікті жердің бедері салынатын төселімнен және снаряд жарылыстары (ұшу жолы) мен нысаналарды елестетуге арналған құрылғылардан тұрады. Снаряд жарылысын елестету жүкшенің көмегімен электр шамының жарқ етуімен, жарық дағының көмегімен (айналамен түсірілген) және басқа да тәсілдер арқылы жүзеге асады. Жергілікті жердегі шағын полигон — үйретуге кажетті жер бедері жасалынған және нысананы елестетуге қажетті құрылғылар орналастырылған жергілікті жердің бөлігі. Снаряд жарылысы винтовка немесе тапанша атыстарымен елестетіледі. Оқ жер қабатымен (құммен) кездескенде снаряд жарылысындағыдай түтін шығады. Жергілікті жер бедері, жергілікті заттар, нысаналар және нысана алаңындағы басқа да объектілер оптикалық аспаптарды пайдалана отырып, бақылауға болатын ауқымды, әмірдегі шын бейнесіне жакын етіп дайындалады. Шағын полигон, сондай-ақ танкілер мен жағалық артиллериядан атуға үйретуде де пайдаланылады.