Шеміршекқап

Шеміршекқап (перихондрий); (гр. perichondium, гр. Peri — маңында, қасында, гр. chondros — шеміршек) шеміршек ұлпаларының сыртқы дәнекер ұлпалық қабы. Шеміршекқап екі қабаттан: сыртқы талшықты және ішкі хондрогенді (камбиальды жасушалы) қабаттардан тұрады. Оның құрамындағы жас шеміршек жасушалары — хондробласттар бөлініп көбею арқылы жасушааралық заттар түзіп, шеміршектің қалындап өсуін қамтамасыз етеді. Шеміршекқап шеміршек ұлпасының қоректенуі мен қалпына келу (регенерация) процестерін іс жүзіне асырады.