Шертер фольклорлық ансамблі
Шертер фольклорлық ансамблі 1974 жылы Арқалық (бұрынғы Торғай облысы филармониясы жанынан) қаласында ұйымдасқан.
Ансамбльде тұңғыш рет қазақтың көне халық музыкалық аспаптары шертер, жетіген, сырнай, шаңқобыз, асатаяқ, қамыс сырнай, т.б. пайдаланылды. Yш ішекті шертпелі көне музыкалық аспап шертер ансамбльдегі басты аспап саналды. Ансамбль репертуарынан сирек орындалатын қазақтың халық музыкалық шығармалары (терме, күй, ән мен билер) кең орын алды.
Орындаушылары қатарында Қ.Қойғарин, О.Мұқатова, С.Ордабаев, Х.Оспанова, К.Бірмағамбетов, ал көркемдік жетек. К.Мақанов (1974 — 78), музыкалық жетекшісі Ғ.Құрманов (1978 жылдан) болған. Гастрольдік сапармен ансамбль ұжымы Қазақстанның жер-жерлерінде, Алматы қаласында (1974), сондай-ақ ТМД елдерінде (Тывада, Қарақалпақстанда, Өзбекстанда); алыс шет елдерде (Yндістанда, 1977; Польшада, 1979; Оңтүстік
-Шығыс Азия елдерінде — ҚХДР, Вьетнам, Филиппин, Жапония, 1983) болып өнер көрсетті. Кезінде Қазақстан ЛКЖО ОК-нің грамотасымен марапатталған.[1][2]
Дереккөздер[өңдеу | қайнарын өңдеу]
- ↑ “Қазақстан”: Ұлттық энциклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9
- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|