Шоңқайма

Уикипедия — ашық энциклопедиясынан алынған мәлімет
Jump to navigation Jump to search

ШОҢҚАЙМА – көбіне қыз-келіншектер киетін аяқ киім түрі. Ол түсті былғарыдан тігіліп, биік өкшелі, қонышты болып келеді. Өкшесінің биіктігі 10 см-ге дейін жетеді. Шоңқайманы қазақ шеберлері өкшенің артқы жағын тайқылап, қонышын тізеден аспайтындай етіп тіккен. Табанын қатты ұлтаннан жасап, сіресін аласа, тұмсығын үшкірлеу еткен. Дәстүрлі қазақ қоғамындағы қыз-келіншектердің сәнді етігі саналған Шоңқайманың қоншына басқа түсті былғары таңдап алынып, оған күдеріден ою бастырылған, өкшесін “көк сауырлап“, тұмсығын сыздықтап, зер жіптермен кестелеп әшекейлеген. Шоңқайманы жас жігіттер де киген. Оларға арналған Шоңқайма етік қайқиған, өкшесі аласа, қонышы тізеге таман екі жағынан жармаланып тігілген. Шоңқайма қазіргі фабрикаларда тігілетін сәнді етіктермен ауыстырылды.[1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IX том

Сыртқы сілтемелер[өңдеу]