Штефан Эффенберг

Штефан Эффенберг
Жалпы мағлұмат
Лақап аттары	Тигр, Эффе, Анфан террибль
Туған күні	2 тамыз 1968 (1968-08-02) (56 жас)
Туған жері	Гамбург
Азаматтығы	Германия
Бойы	188
Позиция	жартылай қорғаушы
Клуб жайлы ақпарат
Клуб	карьерасын аяқтады
Клуб карьерасы 1987—1990  Боруссия (Мёнхенгладбах) 73 (10) 1990—1992 Бавария 65 (19) 1992—1994 Фиорентина 56 (12) 1994—1998 Боруссия (Мёнхенгладбах) 118 (23) 1998—2002 Бавария 95 (16) 2002—2003 Вольфсбург 19 (3) 2003—2004 Әл-Араби 15 (4) Ұлттық құрамы 1991—1998 Германия 35 (5) Бапкерлік карьерасы 2015—2016 Падерборн 07

Штефан Эффенберг (нем. Stefan Effenberg; 2 тамыз 1968, Гамбург, ГФР) — германиялық футболшы, жартылай қорғаушы.

Карьерасы

Клубтық

1987 жылы "Боруссия Менхенгладбах" клубының скауттарының көзіне түсіп, ұзамай клубтың бас бапкері Юпп Хайнкес клубқа шақырды. Командаға сіңіп кеткені соншалық, оны "Екінші Гюнтер Нетцер" деп атады. Бірақ кейін оның мінезінің қызбалығы командада ұзақ ойнауға кесірін тигізді, оның жүрген жерінде кикілжің көбейіп кетті, соңында 1990 жылы "Баварияға" кеткенде онымен ешкім қоштаспады да.

1992 жылы бас жаттықтырушымен, футболшылармен сыйыспай, Италияға кетті. Сонысына қарамастан ол өте жоғары деңгейде ойнады, 1992 жылғы Еуропа чемпионатына "Бавариядан" Штефан ғана қатысты.

1992-94 жылдары "Фиорентинада" ойнап, туған клубы "Боруссия Менхенгладбахқа" оралды. Бұл жолы тәртібі түзеліп, салмақтырақ бола түскен Штефан ұзамай клуб жанкүйерлерінің сүйктісіне айналды, ол тіпті команда капитаны болды.

Бундеслиганың жұлдызына айналған Штефан 1998 жылы тағы да "Баварияда" бағын сынап көрмек боп, Мюнхендік клубқа қайта оралды. 1998-2002 жылдар аралығында тіпті табысты болды, клубтық деңгейдегі жүлденің бәріне қол жеткізді. 1999 жылғы өкініші мол УЕФА Чемпиондар лигасының финалын ("Бавария" "Манчестер Юнайтедті" 90-минутқа дейін 1:0 есебімен ұтып тұрып, екі гол жіберіп алған болатын) 2001 жылғы табысты финал алмастырды (бұл жолы "Бавария" "Валенсияны" ұтып, турнир жеңмпазы атанды). Бұл кезде Эффенберг клубтың капитаны боп та үлгерген еді.

2002 жылы клубпен келісім шарты мәресіне жетті де, "Вольфсбургке" ауысты.

2003 жылы Катардың "Әл-Араби" клубына ауысып, бір жылдан соң карьерасын аяқтады.

Ұлттық құрама

1991 жылы 5 маусымда Уэльске қарсы кездесуде тұңғыш рет Германия құрамасы сапында алаңға шықты. 1992 жылы Еуропа чемпионатына (бұл турнирде Германия финалға дейін жетті), 1994 жылы әлем чемпионатына қатысты. 1994 жылғы турнирде көрсеткен шектен тыс тәртіпсіздігі үшін құрамадан шеттетілді. Тек 1998 жылы ғана мұнысы кешіріліп, жолдастық кездесулерге шақырылды. Бірақ сол күйі ірі турнирлерде ойнамады.

Бапкерлік карьерасы

2015 жылы қазан айында екінші Бундеслига өкілі "Падеборн 07" клубының бас бапкері боп тағайындалды. Бірақ келесі жылы ол қызметтен босады.

Жетістіктері

• Германия чемпионы: 1998/1999, 1999/2000, 2000/2001
• Германия кубогы: 1994/1995, 1999/2000
• Лига кубогы: 1998, 1999, 2000
• Германия суперкубогы: 1990
• Чемпиондар лигасы: 2001

Әдебиет

• ISSN 1609-3992.

Сілтемелер

• Профилі