Штраус

Уикипедия — ашық энциклопедиясынан алынған мәлімет
Jump to navigation Jump to search

Штраус Йоганн (нем. Johann Strauß) (14.3.1804, Вена 25.9.1849, сонда) – австрия композиторы, скрипкашы әрі дирижер. Бала күнінде А.Полишанский (скрипка) мен И.Зейфридтен (композиция) дәріс алған. 1823 жылдан австрия композиторы Й.Ланнердің Вена қ-ндағы квартетінде, кейіннен оркестрінде ойнады әрі дирижердің көмекшісі болып, Ланнер шығарған “Вена вальсінің” жаңа түрін дамытты. 1825 жылы ол өз оркестрін ұйымдастырып, 1833 жылдан гастрольдік сапармен Еуропа елдерін аралады. 1845 жылдан Вена қаласындағы император сарайының бас дирижері болды. Штраус 250-ден астам пьеса (152 вальс, 32 кадриль, 24 галоп, 18 марш, 13 полька) жазды. Әсіресе “Дунай әндері”, “Лорелея”, “Габриэла”, “Тальони” мен “Баядеркалар вальсі” атты музыка туындылары кең тараған. Штраус – би музыкасының көрнекті шебері.[1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том