Шыхо сауығы

Шыхо сауығы – қозғалмалы бейнелеу өнері. Ол – ежелден келе жатқан көне салт. Қытай елінде оның мыңдаған жылдар тарихы бар. Ол діни наным-сенімдерден бастау алған, өте ескі замандағы бақсылық пен тотемдік нанымның туындысы. Шыхо сауығы жер мен отқа табынудан туындаған. «Шы» дегеніміз жер тәңірі, «Хо» дегеніміз от дегенді білдіреді.

Шаншидің Баужи аймағында жыл сайын көктем мерекесінде, яғни ақпа айында атап өтілетін аса маңызды мәдени салт саналады. Ол кезде адамдар алдын ала бетперде, бетбояу жасатып, мерекеге асқан дайындықпен келеді. Сауық барысында ағаш аяқ ойыны ойналады.