Шәміл Бисенғалиұлы Әбілтай
Шәміл Әбілтай (24.2.1948 жылы туған, Атырау облысы Дендер ауданы Толыбай құмы, Қарақызыл қыстауы) – күйші-домбырашы, Қазақстанның еңбек сіңірген қайраткері (1998 жылы).[1]
Атырау музыка училищесін домбыра мамандығы (1972 жылы) бойынша бітірген. 1972 – 75 жылдары Қазақ мемлекеттік филармониясында күйші-лектор ретінде қызмет істеді. 1975 – 85 жылдары еркін шығармашылық еңбекпен айналысады және Қазақ радиосының бас редакторы (1985 – 88 жылдары), ал 1994 жылдан халықаралық. Құрманғазы қорының төрағасы болған.
Қазақ телевизиясы бойынша “Yкілі домбыра”, “Домбыра дастан” бағдарламаларын жүргізді.
Әбілтаев –
- “Домалақ ана”,
- “Бекет Ата”,
- “Қыдыркезген Қызылқұм”,
- “Елбасы” күйлерінің,
- “Ордабасы”,
- “Құрманғазы – күй дүлдүл”,
- “Мұстафа Шоқай туралы толғау”,
- “Түркістан”,
- «Бір ауыз сөз»,
- «Күй ата» [2] музыкалық-толғауларының авторы.
Қазақстан Ленин комсомолы сыйлығының лауреаты (1980 жылы). 1994 жылы Измир қаласында (Түркия) өткен түрік халықтарының дүниежүзілік құрылтайында озан (жыршы) атағын алған. « Жастар одағы» сыйлығының иегері (1980). 1994 жылы Түркияның Измир қаласында өткен түрік халықтарының дүниежүзілік құрылтайында озан ( жыршы- жаршы) атағын алған.
Әбілтайдың композиторлық шығармалары негізінен тарих тағылымына баса назар аударумен әрі оны қазақ елінің тәуелсіздігімен ұштастыру болып табылады. Әбілтай Оғыландыдағы әулие күмбезінде түнегенде «Бекет ата» күйін шығарған.[3]
Дереккөздер[өңдеу]
- ↑ Маңғыстау энциклопедиясы, Алматы, 1997;
- ↑ Атырау: Энциклопедия. -Алматы: Атамұра, 2000 ISBN 5-7667-9129-1
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том
![]() | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|