Шәміс Құмарұлы

Шәміс Құмарұлы (1952 жылы туған, ҚХР, Санжы облысы Мори қазақ автономиялы ауданы, Шоқпартас ауылы) - жазушы, қоғам қайраткері. Шыңжаң униветситетін бітірген (1974). ҚХР, ШҰАР Жазушылар одағы төрағасының орынбасары, 1978 - 82 жылдары Шыңжаң оқу-ағарту баспасында редактор әрі аудармашы. Қазір "Шұғыла" журналының бас редакторы.

Шығармашылық

"Үміт ұшқыны" (1980), "Бір тамшы қан" (1984), "Ақ серке мен көк серке" (1984), "Қарамайлы аңыз" (1986), "Көз жасы сарқылмайды" (1989), "Жасанды дала" (Қытай тілінде жинақ, 1992) әңгіме, повесть жинақтары; "Ертіс кілкіп ағады" (1989), "Бөке батыр" (1987), "Ер Жәнібек" 1989), т.б. романдары жарық көрді. Мемлекеттік әдеби сыйлығының иегері.