Ыбырайым (Ибраһим) Жәңгірұлы Бөкеев
Ыбырайым (Ибраһим) Жәңгірұлы Бөкеев, Князь Шыңғыс (1833 – 1865) - полковник, Жәңгір ханның баласы. 1852 ж. Петербурттегі Императорлық паж корпусын тамамдап, Орынбордағы лейб гвардиялық гусар полкіне жіберілді. 1853-60 ж. гвардия ротмистрі шенінде Орынбор генерал-губернаторының қарамағында қазақ жүртын басқару ісімен шұғылданды. 1853 ж. қаңтарда Бөкеевке князьдік мәртебе беру жөніндегі Ресей императорының жарлығы шықты. Ағасы, хан тағының мұрагері Сақыпкерей аз ғұмырында негізінен Бөкей Ордасын басқару мәселелеріне көңіл қойса, қызметі мен лауазымы онымен бірдей болған Бөкеев бүкіл Кіші жүздегі ел басқару ісіне араласты. Жұрт оның атына тікелей арыз-құжат жолдап, Жәңгір хан ісін жалғастырушы мирасқор ретінде үміт артты. 1863 ж. қазандағы құжатта оның лауазымы «гвардия полковнигі» деп көрсетілген.[1]
Дереккөздер[өңдеу | қайнарын өңдеу]
- ↑ Батыс Қазақстан облысы. Энциклопедия. — Алматы: «Арыс» баспасы, 2002 ISBN 9965-607-02-8
 | Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — тұлға туралы мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |