Ызылдақ шыбын

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Ызылдақ шыбын (Syrphіdae) – қос қанаттылардың бір тұқымдасы. Жер шарында кең тараған, 4000-ға жуық түрі анықталған. Дене тұрқы 5 – 15 мм, ірілері 25 мм-дей. Жақсы ұшады, көптеген түрі бал арасына, араға ұқсас. Мұртшасы басынан қысқа және үш бунақты, қанаты мөлдір, жұмыртқасы ақ, сопақша. Ересек ызылдақ шыбындардар гүл шырынымен қоректеніп, өсімдіктерді тозаңдандырады. Дернәсілдері тіршілік ету ортасына қарай бірнеше топқа бөлінеді: жыртқыштар – өсімдік бітелерімен қоректеніп, пайда келтіреді. Бұларға Syrphus, Scaeva, Sphaerophorіa туыстарының өкілдері жатады; сапрофагтар – ағаш діңінің астында, ағаш жарықтарының қуысындағы шіріген сүректерімен, кейбір түрлері сона, ара, құмырсқалардың ұяларындағы қоректік заттармен, суда тіршілік ететіндері судағы ыдыраған заттармен, су тұнбасымен қоректенеді; өсімдік қоректілері – ең зияндысы пияз ызылдақ шыбындары (Eumerus, Lampetіa), олар пияз баданасын зақымдайды.


Сілтемелер[өңдеу]

Қазақ энциклопедиясы, 9 т.