Ымыртгүл
| Ымыртгүл | ||||||||||||
|---|---|---|---|---|---|---|---|---|---|---|---|---|
 Hesperis matronalis
| ||||||||||||
| Ғылыми топтастыруы | ||||||||||||
| ||||||||||||
| түрлері | ||||||||||||
|
47 түрі белгілі |
Ымыртгүл (лат. Hesperis) – орамжапырақ тұқымдасына жататын екі не көп жылдық шөптесін өсімдік.
Негізінен Жерорта теңізінің шығыс жақ бөлігіндегі жерлерде өсетін 10 түрі белгілі. Қазақстанның далалық аймақтарында, орманды жерлерде, субальпі шалғындарында, өзендер мен жылғалардың жағалауында өсетін 3 түрі: қоңыр ымыртгүл (Н. trіstіs), күлгін ақ ымыртгүл (Н. pseudonіvea) және сібір ымыртгүлі (Н. sіbіrіca) бар. Бұлардың биіктігі 30 – 50 см, сабағы тік, төбе жағы бұтақтанған. Жапырақтары жұмыртқа тәрізді, жиектері бүтін немесе аздап тілімденген. Гүлдері күлгін, күңгірт сарғыш, ақ түсті, сыпыртқы гүлшоғырына топталған. Сәуір – мамыр айларында гүлдеп, жеміс салады. Жемісі – төрт қырлы бұршаққын. Ымыртгүлдің гүлдері кешке қарай ашылады, сол кезде олардан хош иіс шығады. Бұларды сәндік үшін өсіреді, гүлінен аралар бал жинайды.[1]
Дереккөздер
[өңдеу | қайнарын өңдеу]- ↑ Қазақ энциклопедиясы, 9 т.