Ынталы Әметбекауылы

Ынталы Әметбекауылы - ауыл, Талапты аудандық округіне қарайды. Округ орталығы — Талапты ауылынан оңтүстікке қарай 8 км жерде, Арыстың оң жағалаулық аңғарында орналасқан. Тұрғыны 0,76 мың адам (2004). іргесі 1927 ж. қаланды. 1930 ж. дейін Ы. Сырдарияның сол жағалауындағы Көлқұдык және Балтакөл елді мекендерінде қоныстанғанды. 1929 ж. Арыс өзені бөгеліп, одан канал тартылды. Ы. Сырдарияның оң жағалауына, казіргі орналасқан жеріне көшірілді. 1930 ж. бірнеше шағын ұжымшарлар мен артельдер бірігіп "Ынталы" атты үжымшар кұрды. 1957 ж. ұжымшар кеңшарға айналды. 1996 ж. кеңшар тарап, оның негізінде бірнеше ЖШС, ОК және шаруа қожалықтары құрылды. Ауылда негізгі мектеп, кітапхана, фельдш.-акушерлік пункт жұмыс істейді.