Ырым Кененбай

Ырым Кененбай - 1947 жылы 19 маусымда Алматы облысы Талдықорған ауданының Жетісу Алатауы бөктерінде туған. 1969 жылы Қазақ мемлекеттік университетінің журналистика факультетін бітірген.

«Лениншіл жас» газетінде 11 жыл бойы қызмет жасап, газеттің мәдениет және ғылым, шаруа жастар, насихат бөлімдеріне жетекшілік етіп, редколлегия мүшесі болған.

1979—1985 жылдар аралығында «Қазақстан» баспасында аға редактор, «Мектеп» баспасында бөлім меңгерушісі, бас редактордың орынбасары болып қызмет еткен. «Ана тілі» баспасы айтылғанда, оның алғашқы ұйымдастырушыларының бірі (1985—1994), бас редактордың орынбасары, директордың бірінші орынбасары, директоры болды. Жоғары оқу орындарында дәріс қазақ тілінде жүріп, ана тіліміздегі оқулықтарға зәрулік туғанда Үкімет шешіміне сәйкес «Білім» баспасын ұйымдастырып (1994 — 1995), оған басшылық етті.

Қазір «Алатау» баспа-полиграфиялық корпорациясының Президенті. Көптеген мемлекеттік Грамоталармен, «Еңбектегі ерлігі үшін» медалі, «Құрмет» орденімен марапатгалған. Бірнеше көркемсөз, аударма кітаптарының авторы: «Лабасы етегінде» («Қайнар», 1971); «Қырда өскен қызғалдақтар» («Мектеп», 1977); «Жас шопандар ауыды» («Қайнар», 1978); «Інжу-маржандар»(«Жалын», 1980), «Бір уыс дән» («Жалын», 1983), «Қолғанат» («Жазушы», 1987); «Ержүрегі» («Жалын», 1988); «Мәңгі жаз елі» («Рауан», 1989). Таңдамалы шығармалар жинағы., І-ІІ том («Алатау», 2007).