Ысқақ Әсімов

Ысқақ Әсімов (1900, Меркі ауданы – 1937) – қоғам қайраткері. Меркідегі орыс-қазақ мектебінде бастауыш білім алған. Т.Рысқұловпен бірге «Қазақ жастарының революциялық одағын» құруға атсалысты. 1917 ж. желтоқсанда Меркі рев. к-ттің төрағасы, милиция бастығы, 1918 ж. БК(б)П қатарына өтті. 1920 – 22 ж. Әулиеата уездік атқару к-тінің комиссары, 1922 – 32 ж. Сырдария облысы Сайрам және Сарыағаш ауданы партия к-тінің хатшысы болды. 1932 ж. Мәскеудегі БК(б)П ОК жанындағы Марксизм-ленинизм мектебіне түсіп, оны 1935 ж. аяқтаған соң Қостанай облысында МТС-тің саяси бөлімінің бастығы қызметіне тағайындалды. 1937 ж. «халық жауы» деген жаламен абақтыға жабылып, кеңестік қуғын-сүргіннің құрбаны болды. Меркі ауданында Ә. есімі мектепке, көшелерге қойылған.