Эвксенит

Эвксенит (грек. euxenos – қонақжайлы, құрамына көптеген сирек элементтер енетіндіктен осылай аталған) – тотықтар класына жататын минерал. Құрамы AB2(O,OH)6 химика формуласы бойынша жан-жақты түрленеді, мұнда A – Y, U, Ca, Ce, Th, Pb, Fe2+, Mg, Mn; B – Nb, Tі, Ta сирек Fe3+, Sn. А тобында иттрий тобының элементтері (18,5 – 35,5%), ал В тобында ниобий басым. Сонымен қатар мұнда Sc, Zr, Hf, Ge, N, B элементтерінің іздері кездеседі. Эвксенит – аздап немесе тұтастай метамикті. Сингониясы ромбылық, құрылымы ферсмит типті. Түсі қара, қоңыр-қара, жұқа сынықтарында қызыл-қоңыр түспен сәулеленеді. Сызығы сарғыш-қоңыр, сынығы қабыршақты, алмастай жарқырайды. Қатт. Моос шкаласы бойынша 5 – 6, тығыздығы 4,5 – 5,0 г/см3. Эвксенит сілтілі гранитоидтардың акцессорлық минералы болып саналады. Эвксенит – ниобий, тантал, т.б. элементтер алудың көзі.^[1]

Дереккөздер

↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том

[1]