Экономикалық эксперимент

Экономикалық эксперимент - ірі саяси экономикалық міндет, қоғамдық өндіргіш күштерін сапалық тұрғыдан неғұрлым жоғары дәрежеде дамыту үшін шаруашылықты жүргізудің жаңа формалары мен әдістерін жасауды мақсат етеді. Экономикалық эксперименттің шаруашылық механизмін жетілдіру мақсатын көздейтіндігі экономикалық заңдардың әрекет етуі мен пайдаланылу механизмі жөніндегі қоғамдық білімнің қолдану процесін бейнелейді.

Экономикалық экспериментті ұйымдастыру мынадай негізгі кезеңдерді көздейді:

• халық шаруашылығының дамуын талдау мен шаруашылық механизмді жетілдіру жөніндегі ғылыми және практикалық ұсыныстарды әзірлеу;
• экономикалық экспериментті методикалық және ұйымдық тұрғыда дайындау;
• экономикалық экспериментті жүзеге асыру және оның барысын бақылау;
• қорытындылар жасау;
• ұсынынстар әзірлеу;
• экономикалық эксперименттің дұрыстығы дәлелденген қағидаларын басқару мен шаруашылықты жүргізу практикасына енгізу.