Эндоваскулярлық хирургия
Эндоваскулярлық хирургия (лат. endos – ішкі, vasus – тамыр және хирургия) – жүрек-қан тамырларының ішінде кездесетін патологиялық өзгерістерді арнайы аспаптармен тесіп емдейтін диагностикалық тәсіл. Эндоваскулярлық хирургия арқылы тамырды рентген сәулесімен көре отырып, оны арнайы құралдармен кеңейтуге, жарамсыз тамырды алып тастап, жасанды тамыр салуға немесе науқастың өз тамырының ішіне тесіп жасанды тетік (стент) салуға мүмкіндік туды. Кей жағдайларда тамырдың ішкі қабатының тыртықтануы, ақтаңдақтардың пайда болуы мен қайта қысылуы емдеу нәтижесіне кері әсерін тигізеді. Осыған байланысты тамыр өзегін бір қалыпты жағдайда ұстап тұру үшін эндопротездің жаңа түрі – стенттер қолданылады. Өкпе қан тамырларын төмен жақтан келіп тығындап жауып қалатын тромб эмболияларынан қорғау үшін төм. қуыс көк тамырының ішіне сүзгіштер орнатылады.[1]
Тағы қараңыз[өңдеу | қайнарын өңдеу]
Дереккөздер[өңдеу | қайнарын өңдеу]
- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, X том
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |