Эстонияның әкімшілік бөлінісі

Эстония ел үкіметімен тағайындалған уезд губернаторы (эст. maavanem, мааванем) басқаратын 15 уезге (эст. maakond, мааконд) бөлінеді, 1989—1993 жылдары уездердің өкілеттік органдары болған — уезд кеңестері (maakonnavolikogu) және атқарушылық — уезд басқармалары (maakonnavalitsus). Уездер, өз кезегінде, екі типті муниципалитетке бөлінеді: қалалар (эст. linn) және болыстар (эст. vald).

Сонымен қатар муниципалдық құрылымның тағы бір түрі — ауылдық болыс (эст. alevvald). 2011 жылға қарай Эстонияда алты ауылдық болыс бар: Аэгвийду, Вяндра, Кохтла-Нымме, Лавассааре, Тоотси және Ярваканди. КСРО кезінде осы елді мекендердің барлығы қала үлігісіндегі ауыл статусына ие болған.

Қазіргі кезде Эстонияда 183 болыс бар. Олардың өкілеттік органдары — болыстық жиналыс (эст. vallavolikogu) немесе қалалық жиналыс (эст. linnavolikogu), атқарушы органдары — болыс ажаларынан (эст. vallavanem) немесе қала әкімдерінен (эст. linnapea) және вице-әкімдерден (эст. abilinnapea) тұратын болыстық басқармалар (эст. vallavalitsus) және қалалалық басқармалар (эст. linnavalitsus). Таллин ішкі қалалық әкімшілік-аумақтық бірліктерге бөлінеді — қала аудандары (эст. linnaosa). Қала ауданының басшысын қала ауданының ажасы басқарады (эст. linnaosavanem).

Уездер тізімі

#	Уезд	Әкімшілік орталығы	Аумағы	Халқы
1	Хийумаа	Кярдла	1023 км²	10 289
2	Сааремаа	Курессааре	2922 км²	35 356
3	Ляэнемаа	Хаапсалу	2383 км²	28 101
4	Рапламаа	Рапла	2980 км²	37 093
5	Пярнумаа	Пярну	4807 км²	89 660
6	Харьюмаа	Таллин	4333 км²	521 410
7	Ляэне-Вирумаа	Раквере	3465 км²	66 743
8	Ида-Вирумаа	Йыхви	3364 км²	174 809
9	Ярвамаа	Пайде	2623 км²	38 255
10	Йыгевамаа	Йыгева	2604 км²	37 647
11	Вильяндимаа	Вильянди	3422 км²	56 854
12	Тартумаа	Тарту	2993 км²	148 872
13	Пылвамаа	Пылва	2165 км²	31 954
14	Вырумаа	Выру	2305 км²	38 967
15	Валгамаа	Валга	2044 км²	35 059