Эфир (физика)

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Эфир (көне грекше: αἰθήρ, лат. aether - ауаның жоғарғы қабаты) — өткен ғасыр үстемдік еткен көзқарас бойынша атом мен молекулалараралығынан бастап, бүкіл әлемді толтырып тұрған серпімді, тұтас орта. Жарық және жалпы электромагниттік әсерлер осы Әлемдік эфир арқылы беріледі деп санаған. Алғашында қалыптасқан ұғым бойынша эфир жарық таралатын ерекше қасиеті бар серпімді орта ретінде қарастырылған. Эфирдің мұндай механикалық моделі тәжірибе жүзінде анықталмаған. Сондықтан оптикалық және электромагниттік құбылыстар жөніндегі ілімнің онан әрі дамуы эфир жөніндегі түсінікті жоққа шығарады. Қазіргі физикада қалыптасқан көзқарас бойынша кеңістіктегі денелер арасындағы әсерлер эфир арқылы емес, материяның бір формасы болып табылатын физикалық өрістер (электромагниттік, тартылыс т.б. өрістер) арқылы беріледі.[1]

Дереккөздер[өңдеу]

  1. Қазақ Совет Энциклопедиясы. Алматы қаласы,1976 ж. 3-том, 32-бет