Юрий Дмитриевич Зыков

Уикипедия — ашық энциклопедиясынан алынған мәлімет
Jump to navigation Jump to search

Юрий Дмитриевич Зыков (27.3.1922, Ресей, Воронеж облысы Усмань ауданы Усмань селосы – 2000, Алматы қаласы) – ауылшаруашылығы ғылымдарының докторы (1966), профессор (1968), Бүкілодақтық ауылшаруашылық академиясының академигі (1978), Қазақстан Ұлттық ғылым академиясының академигі (1995), Қазақстанның еңбек сіңірген ғылыми қайраткері (1998).

2-дүниежүзілік соғысқа қатысқан.

Қазақ мемлекеттік ауылшаруашылық институтын (1951, қазіргі Қазақ ұлттық аграрлық университеті) бітірген. Қазақ мал азығы және жайылымы ғылыми-зертеу институтында ғылыми қызметкер (1951–61), Қазақ егіншілік ғылыми-зертеу институтында бөлім меңгерушісі (1961–72 және 1975–77), Қазақ шабындық-жайылым шаруашылығы ғылыми-зертеу институтында бөлім меңгерушісі (1972–75), Шығыс бөлімшесі Төралқасы төрағасының 1-орынбасары (1977–81), Бүкілресейлік мелиорацияланған ауылшаруашылық жерлерін пайдалану ғылыми-зертеу институтының директоры (1981–85) қызметтерін атқарған. 1985 жылдан Қазақ ауылшаруашылық институтында кафедра меңгерушісі болды.

1965 жылы «Семиреченская люцерна (Экология, морфология, биология и агротехника)» деген тақырыпта докторлық диссертация қорғаған. Негізгі ғылыми еңбектері Қазақстанда мал азығының тұрақты қорын жасау мәселелеріне (мал азықтық дақылдар агротехникасы мен биологиясы, көп жылдық және бір жылдық шөптердің тұқымын өсіру, далалық жерлерде мал азығын өндіру, т.б.) арналған.

1- және 2-дәрежелі Отан соғысы, Қызыл Жұлдыз ордендерімен және медальдармен марапатталған.[1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, IV том