Юрий Дмитриевич Поминов

Юрий Дмитриевич Поминов

1953 жылы 22 ақпанда РКФСР Новосібір облысы Купинск ауданы «Купинский» кеңшарында туған. Ұлты-орыс.

Әкесі - Поминов Дмитрий Петрович, марқұм, ҰОС қатысқан, инженер-электрик болған. Анасы – Поминова Антонина Тимофеевна, зейнеткер, мал дәрігері болған.

С.М. Киров атындағы Қазақ мемлекеттік университетінің журналистика факультетін бітірген (1977), журналист «Жарма сынасы» (1990), «Есімде әрі сүйемін» (1993), «Мінездер» (1997), «Өмір сүремін» (1998), «Менің заман дастарым» (1999), «Өткен шақ пен келер шақ арасында (2002), «Жылтырақтыр» (2003), «Аласапыран заманның хроникасы. Редактордың жазбалары», бірінші кітап (2007), «Аласапыран заманның хроникасы. Редактордың жазбалары», екінші кітап (2009), «Аласапыран заманның хроникасы. Редактордың жазбалары», үшінші кітап (2010) кітаптарының; «Простор», «Нива», «Журналист», «Огонек», журналдарында, «Южная звезда» Ростов жазушылар ұйымының альманағында, «Лик земли», «Талант владеть землей», «Отцовское поле», «Книга надежд» ұжымдықжинақтарға жарияланған очерктер, мақалалар, әңғімелер, новеллалардың және т.б. авторы.

1970 жылдан - Павлодар облысы «Ленинское знамя» Железинск аудандық газетінің тілшісі, ауыл шаруашылық бөлімінің меңгерушісі. 1977 жылдан бері - «Звезда Прииртышья» Павлодар облыстық газетінің тілшісі, редакторының орынбасары, 1988 жылдан бері редакторы.

Павлодар облыстық Халық депутаттары кеңесінің депутаты (1989-1992).

КСРО, Қазақстан Журналистер одағының мүшесі; Республикалық редакторлар клубының мүшесі; Қазақстан Журналистер одағының Павлодар облыстық филиалының төрағасы; Қазақстан халқы ассамблеясының мүшесі. РФ Журналистер одағының Новосібір облыстық ұйымының I, II, III дәрежелі «Отандық журналистикаға сіңірген еңбегі үшін» орденімен (2008, 2009, 2010); «Қазақстан Республикасының тәуелсіздігіне 10 жыл» (2001), Халықаралық бейбітшілік қорының «Бітімгерлік және қайырымдылық қызметі үшін» (2006), «Қазақстан Конституциясына 10 жыл» (2005), «Астананың 10 жылдығы» (2008) медальдарымен; «Павлодар облысына сіңірген еңбегі үшін» белгісімен; ҚР құрмет грамоталарымен (1993, 2001), Қазақстан халқы ассамблеясының құрмет грамоталарымен (1999) марапатталған. Қазақстан Журналистер одағы сыйлығының (1980, 2000, 2003), «Сорос-Қазақстан» қорының «Қазақстан әдебиеті-2000» конкурсының, Г. Толмачев атындағы сыйлықтың «Қазақстан Республикасы орыс тілді газетінің үздік редакторы» номинациясы бойынша (2008) лауреаты.

Үйленген. Жұбайы — Григорьева Ольга Николаевна, «Звезда Прииртышья» газетінің шолушысы. Ұлдары - Данил (1977 жылы туған), Дмитрий (1980 жылы туған), Павел (1987 жылы туған).