Ярозит

Ярозит (Испаниядағы Барранка - Ярозо кеніне байланысты аталған) – сульфаттар тобына жататын минерал. Химиялық формуласы: KFe³⁺[(OH)₆(SO)²], құрамы (%-бен): K₂O – 9,4, Fe₂O₃ – 47,9, SO₃ – 31,9, H₂O – 10,9, қоспалары: Al, Ca, Na, Pb, Se. Тригондық сингонияда кристалданады, жеке кристалдары псевдокуб, ромбоэдр пішінді. Минералдық агрегаттары топыраққа ұқсас түйірлі масса құрайды, кейде қабыршақ түрінде келеді. Түсі сары, қоңыр, жіктілігі жетілген, шыныдай жылтыр; қаттылығы Моос шкаласы бойынша 2,5 – 3,5 тығыздығы 3,15 – 3,3 г/см³, пироэлектрлік қасиеті бар. Түзілуі – гипергендік. Көптеген сульфидтік кендердің тотығу белдемінде темірдің күкіртті қосылыстары есесінен түзіледі, гидролиз әсерінен қоңыр теміртасқа айналады. Оңтүстік Оралдың колчедан кендерінен, Майқайың алтын кенінен табылды. Ярозиттен жылтыратушы ұнтақ (крокус) дайындалады. ^[1]

Сілтемелер

Дереккөздер

↑ 1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, X том

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] 1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, X том

[1]