Ғанижан Абдурахманович Абдурахманов

Ғанижан Абдурахманович Абдурахманов (1925 жылы туған, Ферғана қаласында) – түрколог, өзбек тілінің маманы, филология ғылымының докторы, профессор, Өзбек КСР ғылым академиясының корр. мүшесі (1967). Ферғана мемлекеттік педагогикалық институтының тіл және әдебиет факультетін бітірген (1946). Өзбек КСР ҒА Тіл және әдебиет ин-тының сектор меңгерушісі (1958 – 1966). «Өзбек әдеби тіліндегі құрмалас сөйлем синтаксисінің жүйесі» деген тақрыпта докторлық диссертация қорғаған (1960). Өзбек тілі мен көне түркі тілдерінің синтаксисі туралы ондаған ғылыми еңбектің авторы. Ғанижан Түрік тіл білімі қоғамнының Анкарада өткен 2-конгресінде (1966) «Өзбек тілі синтаксис жүйесінің дамуы туралы» баяндама жасаған.