Қадырбек Төлеуұлы Демесін

Қадырбек Төлеуұлы Демесін 1952 жылы 5 наурызда Талдықорған облысы Бөрлітөбе ауданы Үлгі ұжымшарында туған. Қазақ. Құрманғазы атындағы өнер институтының театр факультетін бітірген (1973), кино және театр актері. 1973 жылдан бері - Ғ. Мүсірепов атындағы Қазақ мемлекеттік академиялық жастар театрының актері. С. Сейфуллиннің «Қызыл сұңқарлар» (Адъютант), Б. Мұқайдың «Қош бол, менің ертегім» (Мұрат), С. Жүнісовтың «Жаралы гүлдер» (Бақыт), Т. Ахтановтың «Әке мен бала» (Марат), Ғ. Мүсіреповтың «Ақан сері - Ақтоқты» (Шәкірт), М. Ахмановтың «Алдардың айласы» (Алдар), Е. Аманшаевтың «1001 түн» (Әбілхасан) және өзге де спектакльдерде ойнайды. Қазақстан Республикасының Еңбек сіңірген әртісі (1996). Діни көзқарасы - ислам. Хоббиі - оқу. Үйленген. Жұбайы - Демесін Қатира, мейірбике. Қыздары - Алуа (1984 жылы туған), Әлия (1986 жылы туған).