Қадырхан Махмұтұлы Отаров

Уикипедия — ашық энциклопедиясынан алынған мәлімет
Jump to navigation Jump to search

Қадырхан Махмұтұлы Отаров 1953 жылы 17 желтоқсанда Ақтөбе облысы Шалқар ауданының Бершегір кентінде туған.

Өмірбаяны[өңдеу]

Батыс Қазақстан ауыл шаруашылық институтын (1975) ғалым-зоотехник мамандығы бойынша; Марксизм-ленинизм университетін (1978); АӨК Жоғары мектебін (1990) бітірген. Ауылшаруашылық ғылымдарының кандидаты.

1975 жылдан - Ақтөбе облысының Ақтөбе ауданындағы Хлебодар шошқа өсіру кеңшарында зоотехник-сұрыптаушы. 1976 жылдан - Ақтөбе облысы Ақтөбе ауданы Пригородный кеңшарының бас зоотехнигі. 1983 жылдан - Ақтөбе облысы Ақтөбе ауданындағы К. Маркс атындағы астық кеңшарында бас зоотехник, директордың орынбасары. 1986 жылдан - Ақтөбе облысының Ақтөбе ААӨБ төрағасы. 1987 жылдан - Ақтөбе облыстық сүт комбинатының бас директоры. 1988 жылдан - Ақтөбе облыстық агронеркәсіп комитетінде қайта өңдеу және өндіру жөніндегі төраға орынбасары, бірінші орынбасары. 1992 жылдан - Ақтөбе облыстық әкімшілік басшысының орынбасары, облыстық Ауыл шаруашылық басқармасының бастығы. 1994 жылдан - ҚР ауыл шаруашылық министрінің орынбасары, вице-министр. 1999 жылдан - Ақмола облысы әкімінің орынбасары. 2010 жылдан бері - Ақмола облысы әкімінің бірінші орынбасары.

Марапаттары[өңдеу]

«Құрмет» (2001), «Парасат» (2006) ордендерімен, «Астана» (2001), «Қазақстан Республикасының тәуелсіздігіне 10 жыл» (2001), «Тыңға 50 жыл» (2004), «Қазақстан Конституциясына 10 жыл» (2006), «Астананың 10 жылдығы» (2008) медальдарымен марапатталған.[1]

Дереккөздер[өңдеу]

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2