Қажымұқанның ұшағы

"Қажымұқанның ұшағы" - "Қырғи" ұшағы. Ұшақ сыртына "қазақ ұшқышына — Қажымұқаннан" деген жазу жазылған. Екінші дүние жүзілік соғысы жылдары палуан Қажымұқан мемлекеттік қорғаныс комитетіне жазған хатында өз өнерін көрсетіп, содан түскен 100 000 сом қаржыға ұшақ жасау туралы өтінішін білдірген. Ұшақ 1944 ж. Күзде дайын болып, аға лейтенант Қ.Шалабаевқа тапсырылады. Ол соғыс барысында бұл ұшақпен 100-ден аса әскери тапсырма орындаған. 1945 ж. 24 маусымда Мәскеуде өткен жеңіс шеруінде Қажымұқан ұшағы әуеге тағы да көтерілген. Ұшақ жасауға қаржы берген Қажымұқанға Сталин өз атынан алғыс хат жолдаған, майдан даласынан жауынгерлік хаттар келген.