Қазақстанның ерікті кәсіподақтар конфедерациясы

Уикипедия — ашық энциклопедиясынан алынған мәлімет
Jump to navigation Jump to search

Қазақстанның ерікті кәсіподақтар конфедерациясы (ҚЕКК) – ерікті кәсіподақтар бірлестігі. 1989 жылы 1 – 2 қарашада құрылған «Бірлесу” кәсіподағы мен басқа да тәуелсіз кәсіподақтар негізінде 1991 жылы 23 тамызда өткен құрылтай съезінде құрылған. 1992 жылы 28 желтоқсанда заңды тұлға болып табылатын 97 кәсіподақтың қоғамдық бірлестігі тіркелді. Мүшелерінің саны 800 мың адам (1997). 1997 жылы наурызға дейін конфедерация ресми түрде Қазақстанның тәуелсіз кәсіподақ орталығы деп аталды. 1997 жылы мамырда ҚЕКК деген атпен қайта тіркелді. 1994 жылы сәуірде өткен съезде Жарғысы қабылданып, 1997 жылы наурызда өткен 2-конференцияда оған түзетулер енгізілді. Жарғыға және қабылданған шешімдерге сәйкес конфедерацияның негізгі міндеттері жалдамалы еңбек адамдарының мүдделерін қорғау, еңбекшілерге әлеуметтік кепілдіктер беру, қоғамдық наразылықтың жанжалдар мен қақтығыстарға ұласуына жол бермеу, әр түрлі әлеуметтік мүдделерді ескеретін және теңдестіретін қоғамдық тетіктерді әзірлеу. Ұйым өзінің саяси іс-қимылында үкіметтің, кәсіподақтардың және жұмыс берушілердің үш жақты комиссиясы шеңберінде әлеуметтік әріптестікке ден қояды.[1]

Дереккөздер[өңдеу | қайнарын өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, V том