Saryarqa (телеарна)

Уикипедия — ашық энциклопедиясынан алынған мәлімет
(Қазақстан-Қарағанды (телеарна) бетінен бағытталған)
Jump to navigation Jump to search
«Қазақстан» РТРК» АҚ Қарағанды облыстық филиалы
Түрі

Телерадиокорпорация

Құрылған жылы

Қарағанды, Қазақстан (31 тамыз 1958 жыл)

Орналасқан жері

 Қазақстан, Қарағанды

Басшы компания

Берік Смағамбетұлы Дүйсетаев [1]

Статусы

Белсенді

Сайты

kartv.kz/

  • 1961 ж. 1 Мамыр күніне арналған еңбекшілердің шеруінен ЖТС жүйесі арқылы алғаш бағдарлама жасалды.
  • 1962 ж. «События и люди», «Жаңалықтар» атты күнделікті ақпараттық бағдарламалар өмірге енді.
  • 1964 ж. Орталық телевизияға алғашқы шығу. «На дорогах семилетки» атты Қарағанды телеарнасының туындысы Мәскеуде және Киевте көрсетілді. «Совхоз называется «Киевский» атты телефильм КСРО мемлекеттік телерадиосының үш дипломымен марапатталды.
  • 1968 ж. Композитор Тәттімбеттің өмірі мен шығармашылығы жайлы «Ғасыр шегі» атты алғашқы түрлі-түсті телевизиялық фильм жасалды
  • 1975 ж. Қазақ теледидарының Орталық «Орбита» жүйесі бойынша бағдарламаларды қабылдауы басталды.
  • 1984 ж. Бірінші рет түрлі-түсті жазылған «Табиғат терезесі» бағдарламасы дүниеге келді.
  • 1986 ж. Орталық телеарна экранына Қарқаралылық «Салтанат» ансамблі жайында «Аңыздар әлеміне саяхат» атты бейнефильмі шықты.
  • 1987 ж. Республикамызда алғашқылардың бірі болып «Нет одинокой старости» телемарафоны өткізілді. Жиналған қаржыға Қарағанды қаласында жалғыз басты қарттарға арналған медбикелік күтім емханасы ашылды. Семей ядролық сынақ полигонынан зардап шеккендерді қорғауға арналған телемарафон өткізілді.
  • 1990 ж. Кеңестік және жапондық космонавтардың қонған жерінен Жапонияға тікелей көрсетілім Қарағанды жылжымалы телестанциясы арқылы жүзеге асты.
  • 1996 ж Алматыдан спуитниктік байланыс жүйесімен бағдарламалар қабылданды.
  • 2000 ж. Елбасының қатысуымен Қарағандыда өткен алғашқы Президенттік шыршаның тікелей көрсетілуі өткізілді.
  • 2001 ж. Бірінші халықаралық «Щелковый путь-2001» туристік фильмдер фестивалінде «Арқаның меруерт айнасы» фильмі «За любовь родной природе» аталымы бойынша жеңімпаз атанды. Қазақстан Республикасының 10 жылдығына арналған «Үздік публицистикалық бағдарлама» телебайқауында «Көк адырда көп белгі», «Ұлытаудың ұлары жоқ» телехабарлары бірінші орынды жеңіп алды.
  • 2003 ж. Спутниктік жүйе арқылы облыстың барлық аймағына бір сағаттық ақпараттпен қамту мақсатында спутниктік жүйе«КАТЕЛКО» қабылдау-тарату станциясы іске қосылды.
  • 2004 ж. Қазақстан Республикасы Президенті Н.А.Назарбаевтың Жазғы театр ғимараты алдында қала тұрғындары және кеншілермен болған сұхбаты тікелей эфир арқылы жүзеге асты. «Қазақстан» телерадиокорпорациясы ұйымдастырған республикалық телебәйгеде «Ауыл жылына» арналған циклдық бағдарламалары жеңіске жетті.
  • 2006 ж. Қазақстан халықтары Ассамблеясы жариялаған республикалық байқауда «Сары-Арка-колыбель дружбы» атты циклдық телехабары азаматтық татулық пен ұлтаралық келісім тақырыбын ашқаны үшін екінші орынды жеңіп алды.
  • 2007 ж. Қарағандыда қазақ телевизиясының 50 жылдығына арналған республикалық аймақтық «Дидар» телефестивалінің алғашқы тұсаукесері болды. Оған Ақмола, Қостанай, Солтүстік Қазақстан облыстарының телевидение өкілдері қатысты. Фестивальдің әділқазылары Қарағанды телеарнасының жетістіктерін жоғары бағалады. Байқауда «Теледидар – менің тағдырым» хабары жеңімпаз деп танылды. «Алтын аймақ адамдары» номинация бойынша «Архивы будущего» деректі фильм екінші орынды иемденді.. Қазақ теледидарының 50 жылдығына арналған көрме сайысында Қарағанды телеарнасы үздік шықты.
  • 2008 ж. Қарағанды облыстық телевидениесіне 50 жыл толды. Осынау аралықта 50-ге тарта қызметкерлер жемісті еңбектері үшін әртүрлі марапаттарға ие болған. Олардың арасында «Мәдениет қайраткері» бар.Онға тарта журналистер мен режиссер, телеоператорлар облыс әкімінің «Алтын Сұңқар» сыйлығын алды.
  • 2009 ж. «Қазақстан - Қарағанды» теле арнасының «Сіз бен біз» ток-шоу хабары республикалық телебайқауда үшінші орынды иеленді.
  • 2010ж. Тележурналист Ә. Тойжігітов «Нұр Отан» ХДП-ның «Көзқарас» аталымы бойынша республикалық «Нұр Сұңқар» сыйлығын жеңіп алды.

2010-2011 жылдары «Қазақстан-Қарағанды» теле арнасының 26 өзіндік хабары қазақ және орыс тілдерінде эфирге шығады.Тәулігіне 14 сағат хабар таратады. Мұның 50 пайызы өз өнімдері. Көрермендермен сұрақ-жауап жүргізгенде олардың 94 пайызы «Қазақстан-Қарағанды» телеарнасына үлкен сенім артты.

Дереккөздер[өңдеу]

  1. http://kartv.kz/kz/view/collective/page_592_dyisetaev-berik-smahambetuly
  2. http://kartv.kz/kz/category/channel

Сыртқы сілтемелер[өңдеу]