Қазақстан Республикасы Қорғаныс Министрлігінің Орталық Ансамблі
Қазақстан Республикасы Қорғаныс Министрлігінің Орталық Ансамблі - өнер ұжымы. 1991 жылы ұйымдастырылды. Алғашқы көркемдік жетекшілері - Ю.В. Бондаренко.
Ансамбль құрамында "Сарбаздар" фольклорлық-этнографиялық тобы, эстрадалық-симфониялық оркестрі бар. Ұжымда Қазақстанның еңбек сіңірген артистері В.Ли, Р.Стамғазиев, Б.Тайлақбаев, белгілі әншілер Ж.Ысқақова, Қ.Мақанов, Қ.Жүнісовтер, т.б. халықаралық, республикалық байқаулардың жүлдегерлері өнер көрсетеді. Ансамбльдің эстрадалық-симфониялық оркестрі "Алматы - менің бірінші махаббатым" фестиваліне, Қазақстанның халық артисі Р.Рымбаеваның жеке концерттік бағдарламаларын, көрнекті француз композиторы М.Легранның концертіне, т.б. қатысты. Қазақстан Республикасының Қарулы Күш - Қазақстан Республикасы Қорғаныс Министрлігінің эстрадалық-симфониялық оркестрлерінің 10 жылдығына орай қазақша патриоттық әндердің компакт дискідегі жинағын шығарды. Қазір Қазақстан Республикасы Қорғаныс Министрлігінің Орталық Ансамблінің бастығы - майор Ж.Жұмағалиев, көркемдік жетекшісі - лейтенант Е.Зейіпханұлы. Ансамбль гастрольдік сапармен Қытай (2001), Біріккен Араб Әмірлігі (2005), т.б. шет елдерде болып өнер көрсетті.[1]
Қазіргі таңда Қазақстан Республикасының Орталық ансамблі Алматы қаласынан Астана қаласына көшірілді. Орталық ансамблдің бастығы болып аға лейтенант Е.Жұмакенов сайланды. Сонымен қатар ансамбль ұжымы жаңа жас толқынмен толықты.
- ↑ Қазақ мәдениеті. Энциклопедиялық анықтамалық. Алматы: “Аруна Ltd.” ЖШС, 2005 ISBN 9965-26-095-8