Қазақстан тарихы порталы
 | Бұл мақала әлі тексерістен өтпеді. Тексерілмеген мақалалардағы мәліметтер сенімсіз болуы мүмкін.
|
| Қазақстан тарихы порталы | |
| Түрі |
Мемлекеттік интернет-ресурс |
|---|---|
| Қызметі |
Қазақстанның өткен тарихы туралы нақты және толық ақпаратты беру |
| Құрылды |
25 қыркүйек 2013 жыл |
| Құрушы |
Қазақстан Республикасының Президенті жанындағы Орталық коммуникациялар қызметінің және Қазақстан Республикасының Мәдениет және ақпарат министрлігі |
| Орналасуы | |
| Басты адамдары |
Ержан Нүсіпбеков, Диас Есдаулетов, Надежда Шаяхметова, Олжас Беркінбаев, Алтынбек Құмырзақұлы |
| Саласы |
Интернет-жоба, Ақпараттық технологиялар, Медиа |
| Қызметкерлер саны |
7 адам |
| Басшы компания |
Қазақстан Республикасы Ақпарат және коммуникациялар министрлігі |
| Сайты | |
Қазақстан тарихы порталы[өңдеу | қайнарын өңдеу]
«Қазақстан тарихы» Интернет-жобасы (ары қарай - Портал) - Қазақстан Республикасы Ақпарат және коммуникациялар министрлігі және Қазақстан Республикасы Президенті жанындағы Орталық коммуникациялар қызметінің қолдауымен «Қазконтент» Акционерлік қоғам тарапынан әзірленді.[1] Интернет желісіндегі өз бағыты айқын бұл бірегей жаңа жоба – Қазақстанның өткен тарихы туралы нақты және толық ақпаратты беру, тарих саласындағы ғылыми зерттеулердің алдыңғы қатарлы жетістіктерін жедел ақпараттандыру үшін құрыла отырып, қазақ елінің мәдени, тарихи табыстарын әлемнің түпкір-түкпіріне сапалы контенттер арқылы таныту.
Тарихы[өңдеу | қайнарын өңдеу]
«Қазақстан тарихы» порталы сол уақыттағы ҚР Мемлекеттік хатшысы М.М. Тәжиннің төрағалығымен 2013 жылдың 5 шілдесінде өткен мекемеаралық жұмыс тобының (МАЖЕТ) кеңейтілген отырысында қабылданған шешім негізінде құрылып, 2013 жылдың 25 қыркүйегінде Қазақстан Республикасының Президенті жанындағы Орталық коммуникациялар қызметі базасында «Қазақстан тарихы» Интернет-жобасының тұсаукесер рәсімі өтті.[2]
Құрылымы[өңдеу | қайнарын өңдеу]
«Қазақстан тарихы» – Қазақстан Республикасының азаматтарына (Мектеп оқушылар, студенттер, ғылыми қызметкерлер, әр түрлі жастағы оқырман қауым) ақпараттық қолдау көрсетіп, Қазақстан тарихын интернет әлемінде жүйелі түрде насихаттау. Порталда Қазақстан тарихының бес кезеңінің үлкен электронды қоры жинақталған. Оқырман қауым мұндағы ақпараттарды онлайн түрде оқып, оқушылар мен студенттер реферат, курстық, дипломдық жұмыстарына ала алады. Әрбір оқырман ақпараттары оқи отырып, пікір, рецензия қалдыра алады. Порталда «Қазақстаника» энциклопедиясы қызмет атқарады. Бұл жерде әзірге «Рухани мұра», «География», «Аңыздар» (бөлім әлі де толықтырыла түседі) бөлімдері қызмет атқарып тұр. Бұл бөлімде алфавиттік реттік бойынша Қазақстан тарихына, географиясына, рухани мұрасына, мәдениетіне, асыл мұрасына қатысты барлық деректер топтастырылған. «Қазақстан тарихы» – Отан тарихы мен ел тарихын сүйер қауымның бірегей коммуникациялық платформасына айналмақ. Оған дәлел «Тарихи білім», «Асыл қазына», «Тұңғыш Президент» айдарлары. Оқырмандарға үш тілде: қазақ, орыс, ағылшын тілдерінде қызмет көрсетеді.
Жобалары[өңдеу | қайнарын өңдеу]
Қазіргі уақытта Порталда мыңнан аса кітап архивтік құжаты мен зерттеуші ғалымдардың мақалалары топтастырылған. «Е-ресурс» бөліміндегі кітапхан мен архив айдарларында республикаға танымал тарихшылар, этнографтар, археологтар, архивистер еңбектері орналасқан. Порталдағы кітаптар онлайн түрде Pdf жүйесі форматында жариялануда. Порталда «Қазақстан тәуелсіздігіне 25 жыл», «Әлихан Бөкейхан 150 жыл», «Болашақ Қазақстан», «Ұлы Дала», «Фольклор», «Тарихшының бір күні», «Театр тарих әлемінде», «Ядролық қарусыз әлем – басты мақсатымыз», «Қиырдағы қазақтар», «Абай175», «Қазақстан тарихы кезеңдері» сынды арнайы жобалары шеңберінде белсенді түрде қызмет атқару үстінде.
Сыртқы сілтемелер[өңдеу | қайнарын өңдеу]
Қазақша ақпарат құралдарда: [3] [4] [5] Орысша ақпарат құралдарда: [6] [7]
Дереккөздер[өңдеу | қайнарын өңдеу]
- ↑ Қазақстан тарихы порталы Мұрағатталған 12 мамырдың 2020 жылы.
- ↑ «Қазақстан тарихы» порталына арналған баспасөз мәслихаты Мұрағатталған 12 сәуірдің 2020 жылы.
- ↑ АЛМАТЫДА БІРЕГЕЙ «ҚАЗАҚСТАН ТАРИХЫ» ИНТЕРНЕТ ЖОБАСЫ ТАНЫСТЫРЫЛДЫ(қолжетпейтін сілтеме)
- ↑ «National Digital History of Kazakhstan" порталы іске қосылды
- ↑ «Қазақстан тарихы» веб-порталы іске қосылды
- ↑ В Казахстане запущен интеллектуальный интернет-портал National Digital History
- ↑ Интернет-портал «National Digital History» презентован в Астане