Қазақ ССР Ғылым Академиясының хабарлары, көркемөнер зерттеу топтамасы (журнал)

Қазақ КСР Ғылым Академиясының хабарлары, көркемөнер зерттеу топтамасы – 1950 жылы Алматы қаласындағы Қазақстан Ғылым Академиясының баспасынан орыс және қазақ тілінде көркемөнер бөлімі шығарған журнал; көлемі 7,3 баспа табақ. Республика өміріндегі өнер жаңалықтары, табыстар, өнертану ғылымының мәселелері жөнінде тың зерттеулер жарияланған. Осы журналдың 1950 жылғы 1-санында академик Қаныш Сәтбаевтың 50 жылдығына арналып жазылған академик А.Қ.Жұбанов пен Б.Г.Ерзаковичтің «Қазақ музыкасының қазынасына қосылған бағалы үлес» атты мақаласы берілген. Мақалада Сәтбаевтың қазақ музыкасы фольклорын жинау ісіне айтарлықтай қосқан үлесі мен ұлттық өнердің дамуындағы рөлі атап көрсетілген. А.В.Затаевичтің «Қазақ халкының 500 әні мен күйінде» 25 әннің (№324-348) тікелей Сәтбаевтың орындауымен жазылғанын және осы әндердің тарихына сипаттама берілген.