Қазақ ұлттық аграрлық зерттеу университеті

	Қазақ ұлттық аграрлық зерттеу университеті;
	ҚазҰАЗУ эмблемасы
Университет атауы
Халықаралық атауы	Kazakh National Agrarian Research University
Бұрынғы атауы	ҚазАШИ, АВИ, Қазақ мемлекеттік аграрлық университеті, Қазақ ұлттық аграрлық университеті
Жалпы сипаттамасы
Құрылған жылы	1929 жыл
Түрі	Ұлттық университет
Орналасуы
Орналасқан жері	Қазақстан, Алматы
Метро бекеті	Абай
Мекенжайы	Абай даңғылы, 8 үй Алматы
Кампус	қалалық
Әкімшілік
Негізгі көрсеткіштер
Сайты	kaznaru.edu.kz
	өңдеу

Қазақ ұлттық аграрлық зерттеу университеті (ҚазҰАЗУ) — Қазақстанда тұңғыш ашылған ауыл шаруашылық жоғары оқу орны.

1929 жылы шаңырақ көтерген Алматы зоотехникалық-малдәрігерлік институты мен 1930 жылы ашылған Қазақ ауыл шаруашылық институты негізінде 1996 жылы сәуірде Қазақ мемлекеттік аграрлық университеті болып құрылды. 2001 жылы 5 шілдеде оған Ұлттық мәртебе беріліп, Қазақ ұлттық аграрлық университеті болып атауы өзгертілді ^[1].

Ол агроөндірістік кешен үшін білікті мамандар, аграрлы жоғары оқу орындары үшін ғалым-педагог кадрлар даярлайды. Университеттің қызмет ету жылдарында еліміздің аграрлық секторына 140 мыңнан аса білікті мамандар даярлап шығарды және осы саланың дамуына олар қомақты үлесін үзбей қосып келе жатыр. Соның ішінде 2 Кеңес Одағының Батыры мен 25 Социалистік еңбек ері, 70 Жоғары Кеңес пен Қазақстан Республикасы Парламентінің депутаттары, көптеген көрнекті академиктер, Мемлекеттік сыйлықтың лауреаттары, мемлекет және қоғам қайраткерлері, ғылым және агроөндіріс кешенінің басшылары, 11 мыңнан астам докторлар мен ғылым кандидаттары және бүкіл Қазақстанды әлемге танытқан айтулы да абыройлы азаматтар бар ^[2]. Университетте қазіргі таңда 6 факультетке қарасты 21 кафедра қызмет етеді.

Университет ғалымдары ауыл шаруашылығының дақылдары мен өсімдіктердің 47 сортын, жануарлардың 15 жаңа тұқымын, вакциналардың, тағамдық және емдік өнімдердің 30 түрін шығарды, 500-ден астам доктор және кандидат диссертация қорғалып, 200 авторлық патент пен куәлік алынды, 800-ден астам өндірістік ұсыныс жасалды, 10 мыңнан астам ғылыми еңбек жарияланған. Университет 30-дан астам таяу және алыс шет елдердің жоғары оқу орындарымен, ғылыми-зертханалық институттарымен тығыз байланыс орнатқан, 200 аграрлық жоғары оқу орнын біріктіретін Әлемдік Консорциумға мүше.^[3]

Университет құрамындағы факульттеттер мен білім-тәрбие беру институттары

Білім-тәрбие беру институттары

О.Сүлейменов атындағы әлеуметтік-гуманитарлық білім беру және тәрбие институты
Біліктілікті арттыру институты
Көп тілді білім беру институты
Жоғары оқу орнынан кейінгі білім беру институты
Оқушылар контингентін қалыптастыру институты

Факульттері

Университет құрамындағы факульттеттер мен білім-тәрбие беру институттары:

Агробиология факультеті
Бизнес және құқық жоғары мектебі
Ветеринария және Зооинженерия факультеті
Орман шаруашылығы және жер ресурстары факультеті
Су ресурстары және IT-технологиясы факультеті
Инженерлік технологиялар факультеті
Жалпыуниверситеттік кафедралар

Университет бакалавриат бойынша 52 білім беру^[4], 90 магистрлік бағдарламаны және 21 докторантураны ұсынады.

Ғылыми-зерттеу институттары мен орталықтары

Ғылыми-зерттеу институттары

Агроинновация және экология ғылыми-зерттеу институты
Анималогия мәселелері ғылыми-зерттеу институты
Консалтинг және агробизнес ғылыми-зерттеу институты
Агроинженерлік мәселелер және жаңа технологиялар ғылыми-зерттеу институты
Орман ғылыми-инновациялық институты
Су проблемалары және жерді мелиорациялау ғылыми-зерттеу институты

Ғылыми орталықтары

Қазақстан-Жапон инновациялық орталығы
Қазақ-Корей инновациялық орталығы
Тұрақты егін шаруашылығы орталығы ^[5]

Дереккөздер

↑ Қазақстан Республикасы Президентінің Жекелеген мемлекеттік жоғары оқу орындарына ерекше мәртебе беру туралы Жарлығы. 2001 жылғы 5 шілде N 648 http://adilet.zan.kz/rus/docs/U010000648_/compare/kaz
↑ Ұлттық трансформациялану – уақытпен үндесу СҰХБАТ «Егемен Қазақстан» газеті http://egemen.kz/2015/11/26/8333 Мұрағатталған 24 маусымның 2016 жылы.
↑ «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, V том
↑ ҚазҰАЗУ бакалавриат бағдарламалары
↑ ҚазҰАУ сайты http://kaznau.kz/ Мұрағатталған 27 сәуірдің 2016 жылы.

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Қазақстан Республикасы Президентінің Жекелеген мемлекеттік жоғары оқу орындарына ерекше мәртебе беру туралы Жарлығы. 2001 жылғы 5 шілде N 648 http://adilet.zan.kz/rus/docs/U010000648_/compare/kaz

[2] Ұлттық трансформациялану – уақытпен үндесу СҰХБАТ «Егемен Қазақстан» газеті http://egemen.kz/2015/11/26/8333 Мұрағатталған 24 маусымның 2016 жылы.

[3] «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, V том

[4] ҚазҰАЗУ бакалавриат бағдарламалары

[5] ҚазҰАУ сайты http://kaznau.kz/ Мұрағатталған 27 сәуірдің 2016 жылы.

[1]

[2]

[3]

[4]

[5]