Қазақ университеті газеті

Қазақ университеті
«Qazaq universiteti» газеті
Түрі	түсті қағаз
Редакторы	Қайыржан Төрежанұлы,Гүлзат Нұрмолдақызы
Бас редакторы	Гүлнар Жұмабайқызы
Құрылған жылы	1948 жыл
Тілі	қазақша
Мерзімділік	апталық
Көлемі	8 бет
Бағасы	Бағасы келісім бойынша
Бас кеңсесі	Қазақ ұлттық университеті, Ректорат, 3 қабат
Тиражы	1500, 5 қаңтар, 2025
https://farabi.university/

Қазақ университеті газеті — Әл-Фараби атындағы Қазақ ұлттық университетінің төл басылымы.

Тарихы

Суретте "Қазақ университеті" газеті

Әл-Фараби атындағы Қазақ Ұлттық университеті

Әл-Фараби атындағы ҚазҰУ-дың төл басылымы – «Qazaq universiteti» газетінің тарихы 1948 жылдан басталады. Газеттің негізгі бағыты – еліміздің білім саласындағы, университеттегі басты жаңалықтармен, қоғамдық-саяси, тәлім-тәрбиелік маңызы бар іс-шаралармен, оқу-әдістемелік жұмыстармен білім ордасы қызметкерлерін, ұстаздар мен студенттер қауымын таныстыру. Оқырмандар газет арқылы ғылыми, мәдени жаңалықтармен, факультеттерде өткен іс-шаралармен, жаңа оқулықтармен, оқу-әдістемелік құралдармен, монографиялармен, студенттің мамандық игерудегі табыстарымен таныса алады. Сонымен қатар басылымда университеттегі жазуға бейімі бар студенттердің шығармашылығы насихатталады.

«Qazaq universiteti» газеті – негізінен, студенттерге арналып, ізденушілердің көмегімен жарық көрген басылым. Бүгінгі көптеген қаламгерлер үшін нағыз журналистиканың мектебі болды. Газет 2011 жылдан бастап апта сайын жарық көреді. Университеттік басылым жарық көрген жылдардан бері дамыды, өзгерді, кемелденді. Қазіргі таңда басылым офсеттік қағазда, түрлі-түсті болып жарық көруде.

«Qazaq universiteti» газеті 2022 жылдан бастап республика көлемінде тарайды. «Қазпошта» каталогына енгізіліп, оқырмандардың өзі қалаған жерге жаздырып алуына мүмкіндік жасалды. Сондай-ақ газетке жазылушылар Halyk bank QR қосымшасы және KASPI.KZ бағдарламасы арқылы төлем жасай алады. Газеттің республикалық мәртебесі редакциялық алқа мүшелеріне оқырмандармен тығыз байланыста болуға, газет материалдарының мазмұндық деңгейі мен көркемдік безендірілуін көтеру міндетін алға қояды.

Басшылары

Газет басшылығының тізгінін ұстаған редакторлар қатарында Сейділда Төлешов, Тауман Амандосов, Шерияздан Елеукенов, Юрий Крикунов, Абдул-Хамид Мархабаев, Сағымбай Қозыбаев, Дандай Ысқақ, Кәкен Қамзин, Қайрат Сақ, Сағатбек Медеубекұлы, Гүлмира Сұлтанбаева, Мәншүк Мұқашева, Бекжан Әшірбаев, Дәрмен Смайыл, Саягүл Әлімбекова, Әйгерім Әлімбекова, Досжан Балабекұлы сынды білікті ұстаздар, журналистер, жазушылар, қоғам қайраткерлері бар. Қазіргі таңда «Qazaq universiteti» газетінің бас редакторы – Қазақстан журналистер одағының мүшесі Гүлнар Жұмабайқызы.

Айдарлар

Тұрақты айдарлар	«Ақпарат»	ҚазҰУ–да және қоғамда болып жатқан жаңалықтар
	«Қоғам»
	«Серпін»	ҚазҰУ-дың тың жаңалықтарын кең көлемде насихаттау
	«Рух»	ЖОО-да жан-жақты, бірнеше байқаудың жеңімпаздары т.б. талаптар бойынша жетістікке жеткен студенттер туралы материал дайындау
	«Құрмет»	Ақындық, ұйымдастырушылық қабілеттерімен ерекшеленетін студенттер өз басылымдарын жариялап отырады
	«Мерей»
	«Тағзым»	Университетте ұзақ жылдар қызмет атқарған, бүгінде өмірден озған оқытушы-профессорларды еске алып, құрмет көрсету, ізгі істерін насихаттау
	«Көшбасшылық дәріс»	Белгілі мемлекет және қоғам қайраткерлері, танымал тұлғалар білім ордасы студенттеріне өз көрген-түйгені мен өмірлік тәжірибесі жайлы ой бөлісіп, оқыған дәрісін газет бетінде жариялау
	«Студенттер айнасы»	Ақындық, ұйымдастырушылық қабілеттерімен ерекшеленетін студенттердің шығармашылығын, тағылымды істерін насихаттау
Жаңа айдарлар	«Инновация»	ҚазҰУ-да білім алып, жұмыс істеп жатқан ғалымдар инновациялық жаңалығымен бөліседі
	«Кемел»	ҚазҰУ-дағы ардагер ұстаздармен, Ардагерлер кеңесінің мүшелерімен, тәжірибелі педагогтармен әңгімелесу
	«Білім интеграциясы»	Шетелдерден университетке арнайы шақыртылған мамандармен кең ауқымды мақалалар дайындау
	«Менің университетім»	Білім ордасының танымал түлектері студенттік шақтағы жылы естелігі мен қол жеткен жетістіктері жайлы әңгімелейді
	«Үздік оқытушы»	Жылдың үздік, жетістікке жеткен оқытушы-профессорлары туралы материал дайындау

Тағы қараңыз

• Қазақ ұлттық университеті

Сыртқы сілтемелер

• Қазақ ұлттық университеті ресми сайты Мұрағатталған 16 маусымның 2011 жылы.