Қазмедиа орталығы

Уикипедия — ашық энциклопедиясынан алынған мәлімет
Jump to navigation Jump to search
Астана қаласындағы телерадио кешені
Қазмедиа орталығы
Астанадағы телерадио кешені.JPG
Балама аты

Astana Media Center

Жалпы мағлұмат
Мекен жайы

4, Д. Қонаев к-сі, Есіл а-ны,

Орналасқан қала

010000, Астана

Мемлекет

ҚазақстанҚазақстан Қазақстан

Құрылысы басталды

2010 8 желтоқсан

Ашылған уақыты

2012 қыркүйек

Биіктігі
Шатыры

102 (редакциялық-әкімшілік бөлігі)

Техникалық сипаттамасы
Қабаттар саны

22 (редакциялық-әкімшілік бөлігі)

Дизайны мен құрылымы
Соғушы

Сембол құрылыс компаниясы

Картада орналасуы
Астана қаласындағы телерадио кешені (Қазақстан)
Red pog.png
Астана қаласындағы телерадио кешені
http://qazmedia.kz/kz/

Координаттар: 51°11′ с. е. 71°24′ ш. б. / 51.183° с. е. 71.400° ш. б. / 51.183; 71.400 (G) (O) (Я)

Қазмедиа орталығы (немесе Астана қаласындағы телерадио кешені ағылш. Astana Media Center) — ұлттық теледидар және радиохабар арналарын жасау және тарату кешені. «Қазмедиа орталығы» телерадио­ке­шені Қазақстандық бұқаралық ақпарат құралдарын бір орталыққа біріктіру мақсатында Мемлекет басшысының тапсыр­масы бойынша салынған.

Кешеннің жалпы аумағы — 75,5 мың шаршы метр. Кешен құрамында аппаратты-студиялық блоктар, көп арналы телетарату блогы, көп арналы радиотарату блогы, 1000 орындық киноконцерттік залы, ұлттық медиа-мұрағаттың техникалық кешені бар.

«Қазмедиа орталығы» ғимаратының тиімді жұмыс істеуін қамтамасыз ету үшін жарғылық капиталына мемлекет жүз пайыз қатысатын «Қазмедиа орталығы» басқарушы компаниясы» жауапкершілігі шектеулі серіктестігі құрылған. 6 маусымда ҚР Мәдениет және Ақпарат Министрлігінің ақпарат және мұрағат Комитетінің төрағасы Болат Кальянбековтің бұйрығымен «Қазмедиа орталығы» басқарма компаниясы» ЖШС-нің бас директоры болып ҚазГЗУ түлегі Қанат Сахариянов тағайындалды деп хабарлады мекеменің баспасөз қызметі. Бұған дейін ол «Хабар» агенттігі» АҚ-ның басқарма төрағасының бірінші орынбасары қызметін атқарған. [1] [2]

Қа­зақстанның мемлекеттік үлесі бар телеарналары «Қаз­медиа орталығы» телерадиокешеніне қарайды. «Хабар агент­ті­гі» АҚ, «Қазақстан» РТРК», «Kazakh TV», «Мәдениет», «Балапан» телеарналары, «Мир» ХТРК мен «Еуразия+ОРТ» телекомпанияларына қарасты арналар 2012-жылдың қыркүйек айынан бастап телерадиокешен ғимаратынан хабар таратады. Кешенде одан басқа «Қазақ радиосы», «Шалқар» және «Астана» радиолары орналасқан. Телерадиокешен негізінде қыркүйек айынан бастап «Білім» және тәулік бойы жаңалықтар тарататын «24.KZ» атты екі жаңа арна шығарыла бастады.

Орталықтың негізгі мақсаты — мемлекеттік телеарналардың техникалық базасын қазіргі заман талабына сай стандарттарға келтіру, медиа-кеңістікті ұлттық медиа-контентпен толтыру, эфирлік сандық телевидение мен радиотаратуға өту, электронды медиа-мұрағатты құру. Биіктігі 102 метрлік 22 қабаттық ғимараттың бірінші қабаты телестудияларға, ал мұнара әкімшілік пен шығармашылық топқа арналады. Алып дәлізде телесериалдар мен телебағдарламалар түсіретін ірі студиялар орналасқан. Отандық телевизиялық орталықта бірнеше телеарналар орналасқан. [3] [4] Телерадиокешен ұлттық тарату ком­­­­паниялары үшін басты техноло­гиялық алаң болады және сапалы әрі бә­се­кеге қабілетті медиаконтент өндірісіне деген барлық ағым­дағы және келешек­тегі сұра­нысты қана­ғаттан­ды­рады.

Кешен керемет мультимедиалық жо­ба болып табылады. Оған жаңалық­тар, ток-шоу, сериалдар түсіру, дыбыс жазу, дубляж жасау, радио тарату жұмыстарын дайындау үшін 24 студия орналасты­рылған. Орна­­­тыл­ған жаб­дық­тар ми­к­ро­фон­­­дарды, камераларды, мон­таж­­дау пульт­те­рін, жарықтан­дыруды, дыбыс жүйеле­рін т.б. қоса алғанда, толықтай жи­­­нақ­­­­тал­ған технологиялық желі болып табы­лады. ТРК-нің жоғары сыныпты тех­ни­ка­лық жарақтанды­рылуы оны тек Ор­талық Азия және ТМД елдері ғана емес, сонымен қатар әлем­дегі де ең же­текші жабдық­тар қата­рына жатқызуға мүмкіндік береді. Қазіргі кезде мұнда құрал-жаб­дық­тар­ды дайындау мен телеарналар пер­соналын әлем­дегі ең зама­науи телек­ом­муника­ция­лық және телеви­зия­­лық жаб­дық­тарда жұ­мыс істеуге оқытып, үйрету үрдістері аяқталуға таяу. [5] Медиа орталықта бүкіл қаладағы кварталдарды, көшелер мен үйлердің телевизиялық декорациясын жасауға, телевизиялық бағдарламалар мен жаңалықтарды түсіру үшін студияны құрастыруға мүмкіндік беретін телевизиялық сериалдар өндірісі үшін аппараттық-студия орнатылған. Кешенде симфониялық оркестрде орындалатын шығармаларды жазып алуға арналған, киноконцерт кешенімен, халықаралық деңгейдегі іс-шараларды өткізу үшін синхронды аударма жүйесімен жабдықталған үлкен концерт залы бар.

Ал 22-қабатында қаланың панорамалық көрінісін пайдалана отырып, тікелей эфир жүргізетін және бағдарламаларды жазуды ұйымдастыруға қолайлы екі панорамалық студия (SkyStudio) орналасқан. Бейінді студиялармен қатар, «Қазмедиа орталығында» сондай-ақ тәулік бойы радиохабарларын тарату және аудиоконтент кешені, спутниктік телепром орналасқан.

«Қазмедиа орталығының» барлық технологиялық алаңы әлемдік жетекші өндірушілердің жаңа өнімдерімен жабдықталған. Мұнда орнатылған әлемдегі ең озық деген құрал-жабдықтарды сатып алуға 33 миллиард теңге қаржы жұм­салған. Кешеннің өндірістік базасын бірыңғай заманауи технологияға және айқындығы жоғары (HD) форматқа сай келтіру жоспарланған. [6] [7]

«Қазмедиа орталығы» - бұл Тәуелсіздік күні өзіміздің БАҚ-тарға сыйлығымыз. Мұнда еліміздің барлық негізгі телерадио арналары орналасады. Медиа орталық әлемдегі озық жабдықтармен жабдықталған. Оған жауап ретінде мен отандық ақпарат өнімдерінің сапасының артқанын күтемін. ҚР-ның президенті Н.Назарбаев


Халықаралық байланысы[өңдеу]

2012 жылы 4 желтоқсанда Қазмедиа орталығы Азия-Тынық мұхит хабар тарату одағының (The Asia-Pacific Broadcasting Union, ABU) ресми түрде толыққанды мүшесі болды.[8]

Дереккөздер[өңдеу]

  1. ҚР-ның Үкіметі Республикалық меншіктің кейбір мәселелері туралы ҚР Үкіметінің 2012 жылғы 25 сәуірдегі № 518 Қаулысы(қаз.) (орыс.)). "Әділет" Қазақстан Республикасы нормативтік құқықтық актілерінің деректер базасы (25 сәуір 2012). Тексерілді, 17 тамыз 2012.
  2. 6 маусым.«Қазмедиа орталығы» басқарма компаниясының бас директоры болып ҚазГЗУ түлегі Қанат Сахариянов тағайындалды. Қазақ гуманитарлық заң университетінің ресми сайты. Тексерілді, 17 тамыз 2012.
  3. ӘУЕСБАЙДЫҢ Қанаты Медиа-орталыққа мағыналы атау керек. Baq.kz Бұқаралық ақпарат құралдарын біріктіру порталы (9 қараша 2011). Тексерілді, 17 тамыз 2012.
  4. «Астана Медиа Орталық» телерадио кешені. Тексерілді, 17 тамыз 2012.
  5. Жанат БАЙНАЗАР «Қазмедиа орталығына» қай телеарналар кіреді?. Қазақстандық жаңалықтар агрегаты порталы (23 маусым 2012). Тексерілді, 17 тамыз 2012.
  6. Бүгін Мемлекет басшысы Нұрсұлтан Назарбаев «Қазмедиа орталығы» жаңа телерадиокешенін аралап көрді. Баспасөз клубы (10 желтоқсан 2011). Тексерілді, 17 тамыз 2012.
  7. Асқар ТҰРАПБАЙҰЛЫ Отандық арналарға ортақ шаңырақ. Егемен Қазақстан газеті (12 желтоқсан 2011). Тексерілді, 18 тамыз 2012.
  8. «Қазмедиа орталығы» Азия-Тынық мұхит хабар тарату одағының мүшесі болды. Бақ.кз (14 желтоқсан 2012). Тексерілді, 14 желтоқсан 2012.