Қазхром Ұлтаралық Компаниясы

Уикипедия — ашық энциклопедиясынан алынған мәлімет
Jump to navigation Jump to search
«Қазхром»ТҰК» АҚ
Түрі

Жеке компания

Құрылған жылы

1995

Орналасқан жері

Қазақстан Қазақстан: Ақтөбе

Басты адамдары

Арман Бекетұлы Есенжолов (президент)

Саласы

тау-кен өндіру өнеркәсібі,
металлургия

Өнімі

хром
марганец
ферроқорытпа

Айналым

Tenge symbol.svg 750,1 млрд (2018)[1]

Операциялық кірісі

Tenge symbol.svg 317,8 млрд (2018)[1]

Таза табыс

Tenge symbol.svg 176,9 млрд (2018)[1]

Қызметкерлер саны

19 237 адам (2018)[1]

Басшы компания

Люксембург ERG

Еншілес компания

«Дөң мұнайбазасы» АҚ (77,62%)
«ENRC Credit «Несиелік серіктестігі» ЖШС (0,0008%)
«Ақжар хром» ЖШС (100%)[1]

Сайты

kazchrome.com

«Қазхром» ТҰК» АҚ – бұл вертикалды интегралданған тау-кен металлургиялық компания.

1995 жылы құрылды және қазіргі уақытта әлемдегі хром шикізаты мен ферроқорытпалардың ірі өндірушілерінің бірі.[2] 2017 жылы компания Қазақстанның ірі жеке компаниялары рейтингінде бірінші орынға ие болды.[3] «Қазхром» табиғи ресурстарды өндірумен және өңдеумен айналысатын әртараптандырылған Eurasian Resources Group компаниясы құрамында тиесілі.

«Қазхромда» 19 000-нан астам адам жұмыс істейді,[1] Қызметінің негізгі бағыттары: жер қойнауын барлау, пайдалы қазбаларды өндіру және байыту және қосымша құны жоғары металлургия өнімдерін өндіру.[4]

«Қазхромның» негізгі активтері Қазақстанның үш облысында орналасқан: Ақтөбе, Павлодар және Қарағанды.[5]

«Қазхром» құрамына төрт негізгі бөлімше кіреді:

Компанияның ресурстық базасы орташа құрамы 50,0% хром бар 220 млн т астам хром кенін қамтиды.[6] Ағымдағы өндіру деңгейінде хром кен орындарын игеру мерзімі 40 жылдан асады.[6]

2018 жылы «Қазхром» 5,64 млн тонна хром кенін және 1,74 тонна ферроқорытпа өндірді.[1]


Тарих[өңдеу]

«Қазхром» ТҰК» АҚ 1995 жылы[7] Ақсу және Ақтөбе ферроқорытпа зауыттары және Дөң тау-кен байыту комбинатын қосқанда, Қазақстанның бірқатар тау-кен өндіруші және металлургиялық кәсіпорындары біріктірілгеннен кейін құрылды.[7] 2004 жылы «Қазмарганец» кен басқармасы құрылды. 2017 жылы Ақсу зауытында № 6 балқыту цехын қайта жаңарту басталды.[8]  Сол жылы Дөң ТБК «Қазақстан Тәуелсіздігінің 10 жылдығы» шахтасында «Первомайское» кен орнын игеру басталды.[9]   2019 жылы қайта жаңғыртудан кейін Ақсу ферроқорытпа зауытының № 64 пеші іске қосылды.[10]

Бөлімшелер[өңдеу]

Дөң тау-кен байыту комбинаты[өңдеу]

Дөң КБК 1938 жылы Хромтау қаласында[11]  құрылған, хром кенін өндірумен және өңдеумен айналысады. Негізгі кен орнының құрамындағы Дөң КБК-мен игерілетін хром кені шоғырларының ұзындығы шамамен 22 км және ені 7 км.[12]

Ақтөбе ферроқорытпа зауыты[өңдеу]

Ақтөбе ферроқорытпа зауыты 1943 жылы құрылды, жоғары, орта және төмен көміртекті феррохром, ферросилиций, сондай-ақ металлконцентратын шығарады.[13] Зауыт жылына 740 мың тоннадан астам ферроқорытпа өндіреді.[14]

Ақсу ферроқорытпа зауыты[өңдеу]

Ақсу ферроқорытпа зауыты жылына 1 млн тоннадан астам өнім өндіреді, оның басым бөлігі экспортқа жіберіледі.[15] Кәсіпорын құрамында жиырма алты пеші бар төрт цех және қожды өңдеу кешені бар.[16]

«Қазмарганец» кен басқармасы[өңдеу]

«Қазмарганец» кен басқармасы 2004 жылы құрылған,[17] оның негізгі міндеті әртүрлі маркалы болат өндіру кезінде қолданылатын қоспалар үшін металлургия саласында пайдаланылатын дайын (кондициялық) марганец концентратын алу болып табылады.[18]

Орнықты даму[өңдеу]

2019 жылы «Қазхром» БҰҰ Жаһандық шартына қосылды және экологиялық жауапкершілікті таратуға бастамашылық ету, экологиялық қауіпсіз технологияларын дамыту мен таратуға ынталандыру міндетін қоса алғанда, оның 10 қағидатын қолдады.[19]

«Қазхром» 2030 жылға қарай ресурстарды пайдаланудың неғұрлым жоғары тиімділігімен, таза және экологиялық қауіпсіз технологиялар мен өндірістік процестерді неғұрлым кеңірек енгізумен орнықты даму қағидаттарына сәйкес, өзінің инфрақұрылымы мен қызметін жаңғырту міндетін қабылдады.[19]

Мысалы, Ақсу ферроқорытпа зауытын реновациялау жобасы аясында «Қазхром» №64 балқыту пешін модернизациялады: пештің газ өткізбейтін нығыздалуын орнатты, бұл ферроқорытпа газын жинап оны қыздыру үшін пайдалануға мүмкіндік берді. Бұл энергияны тұтынуды 20% төмендетеді және атмосфераға шығарындыны азайтады (заманауи екі газ тазарту құрылғысын орнатумен бірге).[19]

2018 жылы «Қазхром» атмосфераға әсерді төмендету бойынша жаңа ұзақ мерзімді стратегия әзірледі. Оның аясында ол өз активтерін қатты бөлшектерге қатысты, ЕО ауа сапасының стандарттарына сәйкестендірді. Компания өз қызметіне газды тазалаудың озық технологияларын енгізді, сондай-ақ ескі сүзгілерді алмастырды.[19]

Компания барлық тіршілік циклі ішінде көмірқышқыл газының шығарындыларына (парниктік газдардың тікелей және жанама шығарындыларын қоса алғанда) талдау жүргізеді, бұл оның қызметін неғұрлым энергиялық тиімді және көміртекті барыша аз тұтанатындай етіп жасауға мүмкіндік береді. Сонымен қатар, бұл компания клиенттеріне өз өнімдерінің көміртегі ізін бағалауға мүмкіндік береді.[19]

Дереккөздер[өңдеу]

  1. a b c d e f g https://www.aix.kz/wp-content/uploads/2019/07/Kazchrome_AR2018_28062019-KFO.pdf
  2. https://www.metals-hub.com/en/blog/ferrochrome-producers-world/
  3. https://forbes.kz/ranking/50_chastnyih_kompaniy_-_2017
  4. https://www.kazchrome.com/en/at-a-glance/key-facts-and-figures/
  5. https://www.kazchrome.com/en/#map-operations
  6. a b http://kase.kz/files/emitters/KZCR/kzcr_subsoil_user_report.pdf
  7. a b http://www.investkz.com/journals/29/362.html
  8. https://24.kz/ru/news/economyc/item/328321-na-aksuskom-zavode-ferrosplavov-poyavilas-novaya-pech
  9. https://express-k.kz/news/ekonomika/vo_glubine_khromtauskikh_rud-100582
  10. https://www.inform.kz/ru/bolee-ekologichnoy-stala-obnovlennaya-pech-na-aksuskom-zavode-ferrosplavov_a3586513
  11. http://opendata.fas.gov.ru/upload/documents/archive/dbdfc686f25b23a0b9bea3c25e9c8e29.pdf
  12. https://www.kazchrome.com/kz/business-overview/divisions/donskoy/
  13. https://upload.wikimedia.org/wikipedia/commons/6/6a/Kazakhstan_National_encyclopedia_%28ru%29_-_Vol_1_of_5_%282004%29.pdf
  14. https://www.kazchrome.com/kz/business-overview/divisions/aktobe/
  15. http://kase.kz/files/emitters/KZCR/kzcrp_2018_rus.pdf
  16. https://www.kazchrome.com/kz/business-overview/divisions/aksu/
  17. http://businessnavigator.kz/ru/branch/RUDOUPRAVLENIE_KAZMARGANETS_FILIAL_AO_TRANSNATSI_2967/
  18. https://www.kazchrome.com/kz/business-overview/divisions/kazmarganets/
  19. a b c d e https://www.eurasianresources.lu/uploads/1/files/20077_ERG_SR%20ENG%20web2.pdf