Қазығұрт атындағы көше (Алматы)

Көшеге қазақ ұғымындағы киелі мекен, адамзатты топан судан құтқарған қасиетті таудың атауы (Алматы қаласы мәслихаттың 4.04.2001 № 200 шешімі мен Алматы қаласы әкімінің 9.04.2001 № 200 қаулысы) берілген. Қазығұрт Түркістан облысында. Қазығұрт ауданының таңбасында Нұх пайғамбардың кемесі бейнеленген. Жергілікті аңыз бойынша, Нұх пайғамбардың кемесі топан судан кейін Қазығұрт тауына тоқтаған. Тау беткейінде үлкен қайықтың түбіңе өте ұқсас тас құрылым бар. Екі шыңның арасындағы қазаншұңқырда тастан диаметрі 120 метрлік шеңбер, ортасында 36 метрлік крест қаланған. Зороастризмнің бұл ескерткішіне 2 - 2,5 мыңдай жыл болды. Көше Медеу ауданында Жиренше шешен атындағы көше мен Келес көшелердің аралығында орналасқан. Хантәңірі, Қызылжар, Бішкек көшелерін қиып өтеді. Бұрынғы атауы - 1-ші көше. Кешенін ұзындығы - 1500 метр.