Қайрат Сағатханұлы Тыныбеков

Қайрат Сағатханұлы Тыныбеков 1959 жылы 20 желтоқсанда Алматы облысы Нарынқол ауданының Текес ауылында туған. Қазақ. Әкесі - Тыныбеков Сағатхан (1932 жылы туған), зейнеткер. Анасы - Мұстағулова Тоқан (1937-2007). В.И. Ленин атындағы Қазақ политехникалық институтын (1982) кен инженер-электригі мамандығы бойынша; КСРО ІІМ Харьков жоғары курстарын (1987); ҚР ІІМ Қарағанды жоғары мектебін (1993) заңгер мамандығы бойынша; ҚР ІІМ академиясын (2001) іскерлік әкімгерлік магистрі мамандығы бойынша бітірген. Қазақ және орыс тілдерін біледі. 1976 жылдан - «Қаратауфосфорқұрылыс» тресінде ұста-бетоншы. 1977 жылдан - Қаратау қалылық тұрмыс комбинатының фотографы. 1978 жылдың қыркүйек айынан 1979 жылдың шілде айына дейін - Қаратау байланыс торабының электр монтері. 1982 жылдан 1985 жылға дейін - Жезкент шахта өтпе басқармасының жер асты электр механигі (Семей облысы Бородулиха ауданының Жезкент ауылы). 1986 жылдың қараша айынан 1987 жылдың қыркүйек айына дейін - КСРО ІІМ Харьков жоғары курстарының тыңдаушысы. 1987 жылдың қараша айынан - Алматы қаласы Мәскеу аудандық атқару комитеті ІІБ СМТСҚКБ жедел өкілі. 1991 жылдың қазан айынан - Алматы қаласы Мәскеу аудандық атқару комитетінің ІІБ ҚТҚ бөлімшесі бастығының орынбасары. 1993 жылдың ақпан айынан - Алматы қаласы Калинин аудандық ІІБ бастығының орынбасары. 1995 жылдың наурыз айынан - Алматы қалалық ІІББ қоғамдық тәртіпті қорғау басқармасының бастығы 1995 жылдың желтоқсан айынан - Алматы қалалық ІІБІ Әкімшілік қызмет басқармасының бастығы. 1997 жылдың маусым айынан - Алматы қалалық ІІББ әкімшілік полиция қызметінің бастығы. 1999 жылдан - ҚР ІІМ Академиясының тыңдаушысы. 2000 жылдың ақпан айынан - ҚР ІІМ Қоғамдық қауіпсіздік департаментінің бастығы. 2001 жылдың мамыр айынан- БҚО ІІБ бастығы. 2005 жылдың шілде айынан - Көліктегі Батыс ІІД бастығы. 2009 жылдың сәуір айынан - ҚР ІІМ Жол полициясы комитетінің төрағасы. 2011 жылдың ақпан айынан бері - ҚР ІІМ Әкімшілік полиция комитетінің төрағасы. «Ерлігі үшін» (1998), «Құқық тәртібін қамтамасыз етуде үздік шыққаны үшін» (2004), 3 дәрежелі «Ішкі істер органдарындағы мінсіз қызметі үшін» медальдарымен, «ҚР ІІМ Еңбек сіңірген қызметкері» (2002), «Адал еңбегі үшін» (2007) төс белгілерімен, ІІМ, ІІББ құрмет грамоталарымен марапатталған, алғыс хатпен аталған (2005).

• Полиция полковнигі.
• Саяси қайраткер ретіндегі идеалы - Н.Ә. Назарбаев.
• Үйленген. Жұбайы - Тыныбекова Марина Петровна (1970 жылы туған). Қыздары - Тыныбекова Карина Қайратқызы (2001 жылы туған), Тыныбекова Мәдина Қайратқызы (2006 жылы туған).