Қайырбек Қалиасқарұлы Құсайынов

Құсайынов Қайырбек Қалиасқарұлы (1939 жылы туған) – кеңес және партия қызметкері. Абай атындағы ҚазПИ-ді бітірген. 1969 жылы «Қалқұтан» кеңшарында хатшы, 1971 жылы Астрахан ауданы атқару комитетінде төраға орынбасары, 1981 – 90 жылдары 158-орта кәсіптік-техникалық училищенің директоры, 1990 – 97 жылдары Астрахан ауданы атқару комитетінің хатшысы, әкім аппаратының жетекшісі, әкімнің орынбасары, 1996 – 2007 жылдары ауданы мәслихат хатшысы болды. Қазір зейнет демалысында. «Құрмет белгісі» орденімен және медальдармен марапатталған.