Қайырды Назырбаев
Қайырды Назырбаев (т. 2 қазан 1947) — қазақ жазушысы, ақын, баспагер, журналист. Қазақстан Журналистер және Қазақстан Жазушылар Одақтарының мүшесі.
Өмірбаяны[өңдеу | қайнарын өңдеу]
1947 жылы 2 қазанда Шығыс Қазақстан облысы, Катонқарағай ауданы, Таңба (қазіргі Еңбек) ауылында колхозшы-шаруаның отбасында дүниеге келді. Еңбек сегіз-жылдық мектебін бітірген соң, Сұлтанмахмұт Торайғыров атындағы (қазіргі Әбдікерім атындағы) Шыңғыстай орта мектебін аяқтады. «Өрел» совхозында шопан, мәдениет қызметкері, Еңбек сегіз-жылдық мектебінде мұғалім болып жұмыс істеген. 1980 жылы Әл-Фараби атындағы Қазақ Ұлттық университетінің журналистика факультетін тамамдаған.
Еңбек жолы[өңдеу | қайнарын өңдеу]
Өлең жазуды мектеп қабырғасында жүргенде бастаған. Оның өлеңдері мен әңгімелері аудандық «Еңбек туы», «Арай», Шығыс Қазақстан облыстық «Коммунизм туы», республикалық «Лениншіл жас», «Социалистік Қазақстан» газеттерінде, «Қазақстан әйелдері», «Жұлдыз» журналдарында жарияланды.[1] 1968 жылдан бастап Шығыс Қазақстан облыстық «Коммунизм туы» газетінде әдеби қызметкер, Катонқарағай, Үлкен-Нарын және Зырян аудандары бойынша меншікті тілші, 1969 жылы Күршім аудандық «Коммунистік еңбек» — «Коммунистический труд» газеттерінде аудармашы, Шығыс Қазақстан облыстық телевидение және радио хабарын тарату комитетіне редактор, 1980—1990 жылдары Катонқарағай аудандық «Арай-Луч» газетінде редактор-дың орынбасары, редактор, 2000 — 2002 жж. Астанадағы мемлекеттік «Елорда» баспасында редактор болып жұмыс істеген. 2002 жылы «Аударма» баспасы қүрылғаннан бері осы баспаның Бас редакторы, директоры қызметін атқарған. Қазір Астанадағы «Нұра-Астана» баспасының директоры.
Еңбектері[өңдеу | қайнарын өңдеу]
Өлеңдері мен әңгімелері аудандық, республикалық газет-журналдарда жарияланған. Ақынның өлеңдері 1999 жылы Астанадан шыққан «Ағажай, Алтайдай жер қайда?!» атты ұжымдық жинаққа енген. «Алтайдың алтын алқасы», Забила Алпысованың «Ұстаз тағылымы», Шерхан Мұртазаның «Ақындар мен әкімдер», «Соғыстық соңғы же сірі», « Қаратай елінің ақындары», «Ел ішіндегі бір қақпайлар» атты жинақтарын құрастырып шығарған. Астанада 2006 жылдан бастап шыға бастаған «Әлем әдебиеті» журналының алқа мүшесі. «Нобель сыйлығының лауреаттары», «Шытырман оқиғалар және фантастика», «Жыржауһар», «Әлем әдебиеті», «Тарих. Таным. Тағдыр.», «Әлем әдебиеті кітапханасы», «Қазақ халқының философиялық мұрасы» серияларымен шыққан кітаптарды ұйымдастырушысы.
2007 жылы «Фолиант» баспасынан өзінің «Таудағы таңба» атты жеке кітабы жарық көрген. Баспасөз саласындағымінсіз қызметі үшін халық депутаттары Шығыс Қазақстан облыстық Кеңесінің грамотасымен, Мәдениет, ақпарат және қоғамдық келісім министрінің Құрмет грамотасымен марапатталған. [2]
Лауазымдары[өңдеу | қайнарын өңдеу]
- Қазақстан журналистер одағының 7 съезінің делегаты (Алматы,1987)
- Газет шығарушылар Ассоциясы Бүкілодақтық съезінің делегаты (Мәскеу, 1991)
- Республикалық Қазақ тілі қоғамы құрылтайының делегаты (Алматы, 1992)
- Қазақстан Республикасы Баспа және Полиграфия ісінің қайраткері
- Қазақстан Республикасының Мәдениет қайраткері
- Катонқарағай ауданының Құрметті азаматы
Дереккөздер[өңдеу | қайнарын өңдеу]
- ↑ Ресми сайт. Қайырды Назырбаев Smart Qalamger Мұрағатталған 10 шілденің 2020 жылы.
- ↑ Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса - Алматы: «Аң арыс» баспасы, 2009 жыл
 | Бұл мақаланы Уикипедия сапа талаптарына лайықты болуы үшін уикилендіру қажет. |