Қайырғали Байғалиев

Уикипедия — ашық энциклопедиясынан алынған мәлімет
Jump to navigation Jump to search

Байғалиев Қайырғали (1916, Шыңғырлау ауданы, Тіксай ауылы — 20.1.1962, Алматы) — қоғам қайраткері, Қазақстанның алғашқы мәдениет министрі. Орал педагогика институтының филология факультетін (1937- 41) бігірген. Қазақстан жазушыларының 1-съезіне қатысқан (1936). 1943 ж. Алматыға ауысып, Қазақстан КП ОКомитетінде қызметін жалғастырды. Мәскеудегі жоғары партия мектебінде оқиды (1944-46). Кейін Көкшетау облысы партия комитетін басқарады (1946-50). Қазақ КСР Министрлер Кеңесі жанындағы мәдени-ағарту мекемелері жөніндегі комитет төрағасы (1950), Қазақстан КП ОК-нің көркем әдебиет және өнер бөлімінің меңгерушісі (1951), жаңа құрылған республика Мәдениет министірлігінің басшысы (1952), 1954 жылға дейін Қазақ КСР сыртқы істер министрі қызметін қоса атқарған. Өмірінің соңғы жылдарында «Қазақфильм» киностудиясын басқарған. Алматыдағы Байғалиев тұрған үйдің (Достық даңғылы мен Қабанбай батыр к-нің қиылысы) қабырғасына ескерткіш-тақта орнатылды (1997). [1]

Дереккөздер[өңдеу]

  1. Батыс Қазақстан облысы. Энциклопедия. — Алматы: «Арыс» баспасы, 2002 ISBN 9965-607-02-8