Қалампыршөп

Уикипедия — ашық энциклопедиясынан алынған мәлімет
Jump to navigation Jump to search
Қалампыршөп
Holosteumumbellatum3.jpg
Ғылыми топтастыруы
Дүниесі: Өсімдіктер
(unranked) Қос жарнақтылар
Тұқымдасы: Қалампырлар тұқымдасы
Тегі: Қалампыршөп (Holosteum)

Қалампыршөп (лат. Holosteum) – қалампырлар тұқымдасына жататын бір жылдық шөптесін өсімдіктер туысы.

Өсетін жері мен таралуы[өңдеу]

Қазақстанда тау беткейлері мен құрғақ далалық аймақтарда өсетін 2 түрі (шатырлы қалампыршөп және көпнекелі қалампыршөп) бар.

Ботаникалық сипаты[өңдеу]

Holosteum umbellatum Sturm4.jpg
  • Биіктігі 5-20 см, сабақтары біреу немесе бірнешеу болады.
  • Тамыр түбінен шығатын жапырақтары эллипс немесе қандауыр тәрізді болып, сағағына қарай кішірейеді. Ал сабақ бойындағылары – қандауыр тәрізді (ұзындығы 1 – 2,5 см). Тостағанша және күлте жапырақшаларының саны бесеу.
  • Гүлдері ақ немесе қызғылт түсті, олар қарапайым шатырша гүлшоғырына топталған.
  • Наурыз – мамыр айларында гүлдеп, жемістенеді.
  • Жемісі – ұзынша келген қорапша.
  • Тұқымының пішіні бүйрек сияқты.

Емдік қасиеті[өңдеу]

Өсімдіктің құрамында сапонин, флавоноид болады. Дәрілік өсімдік. Оның қайнатылған тұнбасын іш өткенде, энтероколитпен ауырғанда ішеді. Баспа, гингивит кезінде тамақты шайып, шиқан шыққанда, күйгенде, сызат түскенде жағады.[1]

Дереккөздер[өңдеу]

  1. Қазақстан Республикасының табиғаты 3 том, 2 бөлім