Қалыпсыздықтар жолағы

Қалыпсыздықтар жолағы. Геофизикада: созылмалы және ұзақ қашықтықтарға сағаланатын жалпылама қалыпсыздық алқабы ауқымында физикалық табиғатының дербестігімен сипатталатын, геологиялық табиғаты да шамамен ұқсас болып келетін жергілікгі қалыпсыздықтардың белгілі бір шартты сыздық бойымен бір-біріне тізбектеле орналасуынан туындайтын жүйе.Қалыпсыздықтар жолағы әдетте өз ауқымына кіріккен нақтылы типке жататын рудалар шоғырымен немесе белгілі бір жататын рудалы денелер кіріктірген арнаулы геологиялық формациямен, иә болмаса таужыныстар жиынтығынмен байланысты туындай отырып, көбінесе ұзаққа сағаланатын рудалы алаңдарға сәйкес келеді. Қалыпсыздықтар жолағының мысалы ретінде "Курск магниттік қалыпсыздығын" атауға болады.