Қалыңқой

Уикипедия — ашық энциклопедиясынан алынған мәлімет
Jump to navigation Jump to search
Қалыңқой
Kalanchoe blossfeldiana
Ғылыми топтастыруы
Дүниесі: Өсімдіктер
(unranked) Eudicots
(unranked) Core eudicots
Сабы: Saxifragales
Тұқымдасы: жасаңшөптер
Тегі: Kalanchoe
Adans.
Species

Around 125, see text.

Синонимдері

Bryophyllum

Қалыңқой немесе каланхое (Kalanchoe) – жасаңшөп тұқымдасына жататын көпжылдық, жақсы гүлдейтін шөптесін өсімдік. Өсімдіктің емдік қасиеттеріне байланысты оны халық арасында «дәрігер», «өмір гүлі» деп те атайды. Оның емдік қасиетімен бірге ауа тазарту қасиеті де өте жоғары. Ол ауадағы зиянды микробтарды жоюмен бірге антивирустық пәрмені бар өсімдік. Таралған аймақтары – Оңтүстік Африканың, Оңтүстік Американың тропиктік аудандары, Оңтүстік Шығыс Азия, Қытай мен Ява аралдары. 200-ге жуық түрі белгілі. Ал оның 30-ға жуық түрі мен сұрпы үй жағдайында өсіріліп келеді. Өсімдіктің жапырақтары түріне қарай жалпақ, етті, жиектері ирек болып келеді. Гүлдері қоңырау, себет тәріздес, ұзындығы 30см гүлсабаққа шоғырланған. Дұрыс күтім жасалса, жыл бойы гүлдейді.

Жарығы:[өңдеу]

Жарық, күн көзі жақсы түсетін жерлерде өседі.

Жылуы:[өңдеу]

Қыста 12ºС төмен болмауы керек.

Суғарылуы:[өңдеу]

Жазда топырағының беткі қабаты құрғаңқырағанда, ал қыста салқын жерде ұстасаңыз, айына бір рет суғарып тұру керек.

Ылғалдылығы:[өңдеу]

Құрғақ ауаға төзімді. Су бүркуді қажет етпейді, дегенмен де жапырақтарын тазарту мақсатында су бүркіп, шаңын жуып тұрған абзал.

Қоректендірілуі:[өңдеу]

Көктем-жаз айларында кірпігүлге арналған тыңайтқышпен айына бір рет қоректендіріп тұру қажет.

Аурулары:[өңдеу]

Ауруға көп шалдықпайды. Суккулентке жататындықтан, артық суғарғаннан шіріп кету қаупі бар. Зиянкестерден ақ ұнтақ құрты, щитовка, өрмекші кенесі зақым келтіруі мүмкін.

Көбейтілуі:[өңдеу]

Қалыңқой өте оңай көбейтілетін бөлме гүліне жатады. Жапырақ, қалемше және жанама өскіндері арқылы көбейтіледі.

Сілтемелер[өңдеу]

Дереккөздер[өңдеу]

"Гүлстан" республикалық ғылыми-танмыдық, көпшілік журнал, 2010 жыл ISSN 2078-6727