Қанғожа

Қанғожа, Xанқожа (туған өлген жылы белгісіз) - найман тайпасының билеушісі, төре. Барақ сұлтанның ұлы. Әкесі өлгеннен кейін Әбілпейіс ханның қолында тәрбиеленген. Қазақтарды өз жағына тарту үшін Цин (Қытай) императоры Ғұбайдоллаға (Абайділла) хан атағын, Қанғожаға уаң (князь) атағын беру жөнінде арнайы грамота жіберген. Бірақ, Ғұбайдолланы орыс үкіметі бұл лауазымға бекітпей, әскер жіберіп тұтқындап, Сібірге жер аударған. Қанғожа Қытай императорынан атақ алған алғашқы қазақ. Ол қайтыс болғаннан кейін уаң атағы баласы Жанбөбекке берілген.