Қаратерең (түбек)

Қаратерең түбегі
Орналасуы
46°03′17″ с. е. 60°59′44″ ш. б.46.05472° с. е. 60.99556° ш. б. / 46.05472; 60.99556
Акватория	Арал теңізі
Ел	Қазақстан
Қаратерең түбегі
Қаратерең түбегі

Қаратерең – Арал теңізінің шығыс жағасындағы түбек.

Географиялық орны

Қызылорда облысы Арал ауданының жерінде жатыр.

Сипаты

Түбек солтүстігінде Көкарал түбегінің оңтүстік-шығыс жарқабақты мүйісіне 1 – 2 км-дей жақын тұстан басталып, оңтүстік-батысқа қарай 30,0 км-ге созылып жатқан қырат. Қаратереңнің шығыс жағындағы жарқабақты биік бөлігін «Тастақ» деп атайды. Ертеректе Сырдария өзені осы Тастақ шыңына тірелгенде арнасын оңға жылжытып, Қаратерең қыратын солтүстік жағынан кесіп өтіп, батыс бағытпен Арал теңізіне құйған. Сол тұста Сырдария өзенінің бір тармағы оңтүстікке бұрылып, Ақкөл және Кәртіма қолтықтарын суға толтырып, Қаратерең қыратының оңтүстік-батыс мүйісін айналып, солтүстікке қарай «Құйылыс» өзегі болып аққан. Сөйтіп қырат Сырдария өзенінің атырау ішіндегі аралы болған. Бертін келе Арал теңізінің деңгейі төмендеген соң түбекке айналған.