Қаржылық лизинг

Қаржылық лизинг – бұл лизингтік төлемдерді төлеудің өзара әрекеттері кезеңіндегі қарастырылатын келісімдер, құралдардың толық құнының немесе оның көп бөлігінің амортизациясын лизинг берушінің қосымша шығындары және пайдасы жабады. Қаржылық лизингтің негізгі белгілері:

   -үшінші тараптың қатынасуы (мәміле объектісін жеткізуші немесе өндіруші);
   -негізгі жалға беру уақыты деп аталатын уақытта яғни жалға беруші шығындарының орнын толтыру үшін қажетті уақтта, келісімшартты бұзудің мүмкін еместігі, алайда, іс жүзінде кейде лизинг туралы келісімшартта олар айтылмайды, сондықтан мұндай операциялардың құны жоғары болады;
   -лизингтік келісімшарт кезеңінің неғұрлым ұзақтығы (әдетте мәміле объектісінің қызметі уақытына жақын);
   -қаржылық лизинг кезінде мәмілелер объектісінің құны жоғары болады.
   Жедел лизингтегі сияқты лизинг алушының келісімшарт уақыты біткеннен кейінгі мүмкіндіктері:
   -мәміле объектісін қалған құны бойынша сатып алуы;
   -аз уақытқа және жеңілдіктің мөлшерлемесімен жаңа келісімшарт жасайды;
   -лизингтік компанияға мәміле объектісін қайтарады.

Лизинг алушы өзінің таңдауы туралы лизинг берішіге келісімшарттың аяқталуына дейін немесе алты ай бұрын хабарлайды. Егер келісімшартта мәміле затын сатып алуға келісім (опцион) қарастырылса, онда тараптар объектінің қалған құнын ертерек анықтайды. Әдетте ол алғашқы құнның 1-10% құрайды, бұл лизинг алушыға құралдардың барлық құнының амортизациясын есептеуге құқық береді.

   Қаржылық лизингтің экономикалық белгілері бойынша ұзақ мерзімді капиталдық салымдарды банкілік кредиттеумен біртұтас болғандықтан, қаржылық лизинг нарығында ерекше орынды банкілер, қаржылық компаниялар және банкімен тығыз байланысты мамандандырылған лизингтік компаниялар алады.